Qazaqstan men Saýd Arabııasy arasynda tikeleı̆ əýe reısi iske qosylady
«SCAT» əýe kompanııasy 2019 jyldyń 30 qarashasynan bastap Boeing-757 tıpti əýe kemesinde Almaty–Medına (sərsenbi) jəne Almaty–Jıddə (senbi) baǵyttary boı̆ynsha ushýlardy oryndaýdy bastaı̆dy. Elimizdiń tanymal baǵyttarynyń birinde jańa turaqty reı̆sterdiń ashylýy Qazaqstan Respýblıkasy men Saýd Arabııasy Koroldigi arasyndaǵy ózara qarym-qatynasty damytýǵa jańa serpin beredi» delingen habarlamada.
Jańa əýe baǵyt dinı jəne bıznes qoǵamdastyqtardyń ókilderine, sondaı̆-aq týrıstik toptarǵa ýaqytty únemdep, barynsha yńǵaı̆ly kestemen saparlardy josparlaýǵa múmkindik beredi.
Málimetke saı, Qazaqstan Respýblıkasy men Saýd Arabııa Koroldiginiń avıatsııalyq bılik oryndary arasyndaǵy qoldanystaǵy kelisimge səı̆kes, eki taraptyń taǵaı̆yndalǵan əýekompanııalary ər taraptan elder arasynda aptasyna 4 jolaýshy jəne 3 turaqty júk tasymaldaý reı̆sterin oryndaýǵa quqyly.
Saýd Arabııa tasymaldaýshylary úshin ruqsat etilgen qalalar – Nur-Sultan, Almaty, Shymkent jəne Qaraǵandy, al qazaqstandyq tasymaldaýshylar úshin Er-Rııad, Jıddə, Medına jəne Dammam.
Qazaqstandyq «SCAT» əýe kompanııasy 2016 jyldan bastap qajylyq maýsymy kezeńinde qazaqstandyq qajylardy tasymaldaý boı̆ynsha Saýd Arabııasyna turaqty emes ushýlardy oryndady. 2019 jyldyń basynan bastap əýe kompanııa Qazaqstannyń astanasynan Pragaǵa, Ulan-Batorǵa, Məskeýge jəne Tokıoǵa tikeleı̆ halyqaralyq reı̆sterdi iske qosty.
