Qazaqstan men Saýd Arabııasy 60 mlrd teńgeniń kelisimsharttaryna qol qoıdy
ER-RIıAD. QazAqparat - QR Prezıdenti Nursultan Nazarbaevtyń Saýd Arabııa Koroldigine barǵan jumys sapary aıasynda 60 mlrd teńgeniń kelisimsharttaryna qol qoıyldy. Bul týraly Elbasy jýrnalısterge bergen suhbatynda málimdedi, dep habarlady QazAqparat.
«Іskerlik toptar jáne bıznesmendermen kezdesýden bastaldy. Biz bıznestiń «kapıtandarymen» kezdestik. Jalpy alǵanda bizdiń isker adamdarymyz, mınıstrlikter men vedomstvolar 60 mlrd teńgeniń 10 kelisimshartyna qol qoıdy», - dedi Nursultan Nazarbaev.
Elbasy atap ótkendeı, solardyń ishinde eń mańyzdylary Ońtústik Qazaqstan oblysyndaǵy qus fabrıkasynyń qurylysy, Aqmola oblysyndaǵy azyq-túlik ónimderdiń óndirisi jáne munaı jáne gaz, metallýrgııa men hımııa salalaryndaǵy yntymaqtastyq.
«Іske qosylǵan jobalar bar, ol birlesken 17 kásiporyn. Logıstıkadaǵy máselelerge baılanysty bizde saýda men taýaraınalym asa damymaǵan. Sondyqtan biz bolashaqta birge jumys jasaý úshin Jol kartasyn, eki jaqty úkimetaralyq komıssııa, ekonomıkanyń túrli salalary boıynsha jumys toptaryn qurýǵa kelistik. (...) Bastysy - bul birlesken ınvestıtsııalyq qarjy qoryn qurý týraly kelisim. Bizdiń elimizde birlesken jobalardy qarjylandyrý úshin osyndaı qor quramyz», - dep qosty Nursultan Nazarbaev.
