Qazaqstan men Saýd Arabııasy tikeleı áýe qatynasyn ashýǵa kelisti

Qazaqstan men Saýd Arabııasy Almaty – Er-Rııad baǵyty boıynsha tikeleı áýe qatynasyn ashý týraly ýaǵdalasty, dep habarlaıdy Kazinform QR Syrtqy ister mınıstrliginiń baspasóz qyzmetine silteme jasap.

Tıisti sheshimge Qazaqstan Respýblıkasy Premer-Mınıstriniń orynbasary – Syrtqy ister mınıstri Murat Nurtileýdiń Qazaqstan-Saýdııa Saýda-ekonomıkalyq, ǵylymı-tehnıkalyq jáne mádenı yntymaqtastyq jónindegi Úkimetaralyq komıssııasynyń 6-shy otyrysyna qatysý úshin Saýd Arabııasyna sapary sheńberinde qol jetkizildi.

Elder arasyndaǵy reısterdi Saýd Arabııasynyń «FlyNas» áýe kompanııasy 2024 jyldyń kóktem-jaz maýsymynan bastap aptasyna 7 reıs jıiligimen oryndaıtyn bolady.