Qazaqstan men Saýd Arabııasy paıdaly qazbalar salasyndaǵy áriptestikti kúsheıtedi
ASTANA.KAZINFORM — Qazaqstan Respýblıkasynyń Saýd Arabııasy Koroldigindegi Elshisi Madııar Meńilbekov Koroldiktiń Ónerkásip jáne mıneraldy resýrstar vıtse-mınıstri Haled Ál-Mýdaıfermen kelissózder júrgizdi. Bul týraly SІM baspasóz qyzmeti málim etti.
— Kezdesý barysynda taraptar taý-ken ónerkásibi salasyndaǵy Qazaqstan men Saýd Arabııasy arasyndaǵy yntymaqtastyqty damytý perspektıvalaryn talqylap, strategııalyq jáne asa mańyzdy mıneraldardy barlaý, óndirý jáne óńdeý máselelerine erekshe nazar aýdardy, — delingen habarlamada.
Taraptar eki eldiń salalyq memlekettik organdary, ulttyq kompanııalary jáne isker toptary arasyndaǵy ózara is-qımyldy nyǵaıtýǵa baǵyttalǵan birlesken bastamalardy iske asyrý múmkindikterin qarastyrdy.
Kezdesýdiń qorytyndysy boıynsha qazaq-saýd baılanystaryn odan ári nyǵaıtý týraly ýaǵdalastyqqa qol jetkizildi.
Aıta keteıik, Saýd Arabııasy álem chempıonatyna bıletterdi tegin taratyp jatyr.
