Qazaqstan men Saýd Arabııasy dıplomatııalyq pasport ıelerin vızalyq talaptardan bosatty
Qazaqstan men Saýd Arabııasy dıplomatııalyq jáne qyzmettik arnaıy pasporttardyń ıelerin vızalyq talaptardan bosatý týraly kelisimge qol qoıdy, dep habarlaıdy QR SІM baspasóz qyzmeti.
Qazaqstan-Saýd úkimetaralyq komıssııasynyń aıasynda Qazaqstan Respýblıkasy Syrtqy ister mınıstriniń orynbasary Álibek Baqaev Saýd Arabııasy Koroldigi Syrtqy ister mınıstriniń orynbasary Ábdilmajıd bın Rashed ás-Samarımen kezdesti.
Kezdesý qorytyndysy boıynsha taraptardyń ókilderi ekijaqty qatynastardy nyǵaıtýǵa óziniń oń úlesin qosatyn Qazaqstan Respýblıkasynyń Úkimeti men Saýd Arabııasy Koroldiginiń Úkimeti arasyndaǵy dıplomatııalyq jáne qyzmettik/arnaıy pasporttardyń ıelerin vızalyq talaptardan bosatý týraly kelisimge qol qoıdy. Atalǵan Kelisim árbir jarty jylda 90 kúntizbelik kúnge deıin kirý kezinde dıplomatııalyq jáne qyzmettik pasport ıelerin vızalyq talaptardan bosatady. Kelisim kúshine enýi úshin qajetti memleketishilik rásimderdiń aıaqtalǵany týraly taraptardyń sońǵy jazbasha habarlamasyn dıplomatııalyq arnalar arqyly alǵan kúnnen keıin 30 kún ótken soń kúshine enedi.
Osy Kelisim erejeleri Saýd Arabııasyna dinı qajylyq jasaý maqsatynda keletin Qazaqstan azamattary – dıplomatııalyq jáne qyzmettik pasport ıelerine qoldanylmaıdy. Bul rette, olar osyndaı maqsattarǵa arnaıy beriletin vızany alýy tıis ekenin atap ótý qajet.
