Qazaqstan men Saýd Arabııasy arhıv salasyndaǵy yntymaqtastyq týraly kelisimge keldi
ASTANA. KAZINFORM — Búgin QR Ulttyq arhıvinde Arhıv, qujattama jáne kitap isi komıtetiniń tóraǵasy Rýstam Alı Saýd Saýd Arabııasy Koroldiginiń Qazaqstandaǵy Elshisi Faısal Hanef Ál-Kahtanı jáne Korol Ábdelazız qorynyń dırektory Týrkı Mohammed Al-Shývaıermen kezdesti. Bul týraly QR Mádenıet jáne aqparat mınıstrliginiń baspasóz qyzmeti málim etti.
Taraptar birlesken jobalardy júzege asyrý, tájirıbe almasý, qujattyq muralardy saqtaý, tsıfrlandyrý jáne ǵylymı zertteý salasyndaǵy halyqaralyq yntymaqtastyqty damytý máselelerin talqylady.
Jıyn barysynda Qazaqstan Respýblıkasynyń Ulttyq arhıvi men Saýd Arabııasy Koroldiginiń Korol Ábdelazız atyndaǵy ǵylymı-zertteý jáne arhıv qory arasyndaǵy yntymaqtastyq týraly memorandýmǵa qol qoıý rásimi ótti.
Іs-shara aıasynda delegatsııa músheleri QR Ulttyq arhıviniń qor saqtaý, qoljazbalardy restavratsııalaý, tsıfrlandyrý syndy qyzmetterimen tanysty.
Buǵan deıin habarlanǵandaı Mádenıet jáne aqparat mınıstrligi «Batyrlarǵa taǵzym» portaly «e-Arhıv» júıesimen ıntegratsııalanatynyn málim etti.