13:28, 10 Qarasha 2023 | GMT +6

Qazaqstan men San-Marıno Respýblıkasy arasynda vızasyz rejım ornatylady

Қазақстан мен Сан-Марино Республикасы арасында визасыз режим орнатылады — Фото: ҚР Италия Республикасындағы Елшілігі

9 qarashada San-Marıno qalasynda Qazaqstan men San-Marıno Respýblıkasynyń Úkimeti arasyndaǵy vızalyq talaptardan bosatý týraly kelisimge qol qoıý rásimi ótti, dep habarlaıdy Kazinform agenttigi QR Italııa Respýblıkasyndaǵy Elshiligine silteme jasap.

Qujatqa QR Malta jáne San-Marıno Respýblıkasyndaǵy Tótenshe jáne ókiletti elshisi Erbolat Sembaev jáne San-Marıno Respýblıkasynyń Syrtqy ister, Halyqaralyq ekonomıkalyq yntymaqtastyq jáne telekommýnıkatsııalar jónindegi memlekettik hatshysy Lýka Bekkarı qol qoıdy.

Kelisim eki memlekettiń azamattaryn alǵashqy kirý sátinen bastap vızalyq talaptardan 90 kúnge bosatady. Eki el azamattarynyń jol júrý qujattary: azamattyń tólqujaty, dıplomatııalyq jáne qyzmettik tólqujaty.

QR Úkimeti men San-Marıno úkimeti arasyndaǵy vızalyq talaptardan ózara bosatý týraly kelisim taraptardyń ózara kelisýi úshin qajetti memlekettik rásimderdi oryndaǵany týraly sońǵy jazbasha habarlamany alǵannan keıin 30 kún ótken soń kúshine enedi.

Tegter:

Үкімет Виза келісімшарт Елші Италия

Сейчас читают