Qazaqstan men San-Marıno matchyna bılet tolyq satylyp ketti

Fýtboldan 2024 jylǵy Eýropa chempıonatynyń irikteý kezeńi aıasynda búgingi Qazaqstan jáne San-Marıno kezdesýine qansha jankúıer qatysatyny belgili boldy, dep habarlaıdy Kazinform. 

Qazaqstan fýtbol federatsııasynan málim etkendeı, búgin, 17 qarashada elorda ýaqytymen 21:00–de «Astana-Arena» stadıonynda bastalatyn kezdesýge barlyq bılet satylyp ketken. 

Atalǵan oıyn «Qazaqstan» jáne «Qazsport» telearnalary tikeleı efırde kórsetiledi.

Qazaqstan jáne San-Marıno kezdesýine bas tóreshi qyzmetin avstrııalyq Harald Lehner atqarady.

Oǵan otandastary Andreas Haıdenraıh pen Stefan Pıhler kómekshilik jasaıdy.

Qosalqy tóreshi de — avstrııalyq Sebastıan Gıshamer.

Buǵan deıin jankúıer eń kóp jınalǵan oıyn Qazaqstan — Fınlıandııa kezdesýinde tirkelip, sol joly 30 019 jankúıer ulttyq quramaǵa qoldaý bildirgen edi. 

Qazaqstan quramasynyń elordada ótken oıyndaryn tamashalaǵan jankúıerler:

23 naýryz. Qazaqstan — Slovenııa. 27 122 jankúıer
26 naýryz. Qazaqstan — Danııa. 28 697 jankúıer
7 qyrkúıek. Qazaqstan — Fınlıandııa. 30 019 jankúıer
10 qyrkúıek. Qazaqstan — Soltústik Irlandııa. 28 458 jankúıer. 

El quramasy H tobynda 8 oıynnan keıin 15 upaı jınap, úshinshi orynda tur.

Alǵashqy eki oryndaǵy Slovenııa men Danııanyń enshisinde 19 upaıdan bar.

Sondaı-aq, el quramasy 20 qarashada syrt alańda Slovenııamen sheberlik baıqasady.

Aldaǵy eki oıynda jeńiske jetken jaǵdaıda Qazaqstan quramasynyń qurlyqtyq doda fınaldyq satysyna joldama alýyna múmkindigi bar.