Qazaqstan men Rýmynııanyń strategııalyq josparlaý jáne boljaý salasyndaǵy tájirıbesi talqylandy

BÝHAREST. QazAqparat – Búgin Býhareste Qazaqstan Elshisi Nurbah Rústemov Rýmynııanyń Strategııa jáne boljam jónindegi ulttyq komıssııasynyń tóraǵasy Krıstıan Nıkolae Stenıkemen kezdesti. QazAqparat bul týraly QR Elshiligine silteme jasap habarlaıdy.

Kelissózder barysynda taraptar strategııalyq josparlaý jáne boljaý salasynda tájirıbe almasý múmkindikterin talqylady. Atap aıtqanda, qazaqstandyq dıplomat jaqynda qurylǵan QR Strategııalyq josparlaý jáne reformalar agenttiginiń negizgi mindetteri men fýnktsııalary týraly habardar etti.

«Óz kezeginde K.Stenıke Rýmynııanyń ekonomıkany josparlaý jáne boljaý tájirıbesimen bólisti.

Sonymen birge, kelissózderdiń jeke taqyryby COVID-19 pandemııasyn eskere otyryp, álemdik ekonomıkanyń jaǵdaıy men damý perspektıvalaryn talqylaý boldy.

Kelissózder nátıjesinde joǵaryda atalǵan vedomstvolar arasyndaǵy qatynastardy damytý maqsatynda jaqyn ýaqytta beınekonferentsııa formatynda kezdesý ótkizý týraly kelisimge qol jetkizildi», - delingen aqparatta.