Qazaqstan men Rýmynııa arasynda munaı-gaz salasy boıynsha taýar aınalymy artty
NUR-SULTAN. QazAqparat - Qazaqstannyń Elshisi Nurbah Rústemov Rýmynııanyń Energetıka mınıstri Vırdjıl Popeskýmen kelissózder ótkizdi, dep habarlaıdy QazAqparat QR Syrtqy ister mınıstrliginiń baspasóz qyzmetine silteme jasap.
Taraptar 2021 jylǵy yntymaqtastyqtyń qorytyndylaryn talqylady, aǵymdaǵy jaǵdaıdy qarastyrdy jáne orta merzimdi perspektıvaǵa arnalǵan josparlardy belgiledi.
Áńgimelesý barysynda Elshi Qazaqstannyń Rýmynııamen energetıka salasyndaǵy qarym-qatynasty nyǵaıtýǵa daıyndyǵy týraly ustanymyn jetkizdi. Sondaı-aq «QazMunaıGaz Interneıshnl» kompanııasynyń damýy jáne onyń qazaqstandyq energetıkalyq resýrstardy Eýropaǵa eksporttaýdaǵy belsendi qyzmeti týraly da sóz boldy.
Sonymen qatar, qazaqstandyq dıplomat elimizdegi aǵymdaǵy ahýal, sondaı-aq Úkimettiń sheteldik ınvestıtsııalyq sýbektilerdi, onyń ishinde Qazaqstannyń energetıkalyq sektorynda ókildik etetin rýmyndyq kompanııalardy qorǵaý boıynsha qabyldap jatqan sharalary týraly egjeı-tegjeıli habardar etti.
Óz kezeginde Mınıstr V.Popeský eki el arasyndaǵy qarym-qatynastyń odan ári nyǵaıa túsetinine senim bildirip, munaı-gaz salasyndaǵy taýar aınalymynyń artýyn atap ótti.
