Qazaqstan men Rýmynııa arasynda ınvestıtsııalardy qorǵaý týraly kelisim jasaldy - Májilis
ASTANA. 26 maýsym. QazAqparat - Búgin Parlament Májilisiniń jalpy otyrysynda palata depýtattary «Qazaqstan Respýblıkasynyń Úkimeti men Rýmynııa Úkimeti arasyndaǵy ınvestıtsııalardy kótermeleý men ózara qorǵaý týraly kelisimdi ratıfıkatsııalaý týraly» zań jobasyn maquldady.
Ekonomıka jáne bıýdjettik josparlaý mınıstri Erbolat Dosaevtyń aıtýynsha, atalmysh kelisimge 2010 jyldyń 2 naýryzynda Astana qalasynda qol qoıylǵan. Kelisim negizinen Rýmynııanyń Eýropalyq odaqqa enýine baılanysty rýmyn tarapynyń bastamasymen jasalyp otyr.
Kelisim boıynsha qoldanystaǵy zańnamadaǵydan ózge ınvestıtsııalyq ahýaldy jaqsarta túsý úshin ózara ınvestıtsııalyq qatynastar kezinde ınvestorlardy qosymsha kepildiktermen qamtamasyz etý de qarastyrylǵan. Kelisýshi ár tarap óz aýmaǵyna Kelisimdegi ózge tarap salǵan ınvestıtsııalardy múmkindiginshe yntalandyryp, sol ınvestıtsııany óz memleketiniń ulttyq zańnamalaryna sáıkestendirip qabyldaıdy.
