Qazaqstan men Rýmynııa arasynda ınvestıtsııalardy qorǵaý týraly kelisim qabyldandy - Parlament
ASTANA. 27 maýsym. QazAqparat - Búgin Parlament Senatynyń jalpy otyrysynda palata depýtattary «Qazaqstan Respýblıkasynyń Úkimeti men Rýmynııa Úkimeti arasyndaǵy Investıtsııalardy kótermeleý men ózara qorǵaý týraly kelisimdi ratıfıkatsııalaý týraly» zańdy qabyldady.
Atalmysh kelisimge 2010 jyldyń 2 naýryzynda Rýmynııa Prezıdenti Troıan Baseskýdiń Qazaqstanǵa memlekettik sapary barysynda Astana qalasynda qol qoıylǵan. Kelisim negizinen Rýmynııanyń Eýropalyq odaqqa enýine baılanysty rýmyn tarapynyń bastamasymen jasalyp otyr.
Kelisim boıynsha qoldanystaǵy zańnamada kórsetilgen kepildikterden basqa, ınvestıtsııalyq ahýaldy jaqsarta túsý úshin ózara ınvestıtsııalyq qatynastar kezinde ınvestorlardy qosymsha kepildiktermen qamtamasyz etý de qarastyrylǵan. Kelisýshi ár tarap óz aýmaǵyna Kelisimdegi ózge tarap salǵan ınvestıtsııalardy múmkindiginshe yntalandyryp, sol ınvestıtsııany óz memleketiniń ulttyq zańnamalaryna sáıkestendirip qabyldaıdy.
Parlament qabyldaǵan zań Memleket basshysynyń qol qoıýyna joldanady.
