Qazaqstan men Rýmynııa 2019-2020 jyldarǵa arnalǵan ózara is-qımyldar josparyn bekitti
ASTANA. QazAqparat - Rýmynııanyń astanasynda Qazaqstan men Rýmynııa Syrtqy ister mınıstrlikteri arasynda turaqty saıası konsýltatsııalary ótti. Qazaqstan delegatsııasyn Syrtqy ister mınıstriniń orynbasary Roman Vasılenko, rýmyn tarapyn - Rýmynııa SІM Memlekettik hatshysy Danýts Nekýlaeský basqardy, dep habarlaıdy QR SІM baspasóz qyzmeti.
Syndarly dıalog jaǵdaıynda dıplomattar 2018 jylǵy Astana men Býharesttiń arasyndaǵy ekijaqty ólshemdegi jáne halyqaralyq arenadaǵy ózara árekettestigi qorytyndylaryn qarastyrdy.
Suhbattastar 2016-2018 jj. ótken joǵary deńgeıdegi ekijaqty saparlary túrtki bolǵan qazaqstan-rýmyn qarym-qatynastarynyń joǵary serpini men senimdilik sıpatyn qanaǵattanǵandyqpen belgiledi. Saıası jáne ekonomıkalyq baılanystardyń jıylǵan ekpinin qoldaý mańyzdylyǵy atap ótildi, kóz jeterlik keleshekke ózara árekettestiktiń basym baǵyttary anyqtaldy.
Dástúr boıynsha turaqty oń serpindi kórsetip otyrǵan saýda-ekonomıkalyq jáne ınvestıtsııalyq yntymaqtastyqqa sózsiz basymdylyq berildi. Atap aıtqanda, 2018 j. alǵashqy úsh toqsanynyń qorytyndysy boıynsha ózara saýda ótken jyldyń uqsas kezeńimen salystyrǵanda 45%-ke ósip, Qazaqstan úshin saýda teńgeriminiń iri oń saldosymen 1,27 mıllıard dollarǵa jetti. Qazaqstan men Rýmynııa isker toptarynyń ózara múddesiniń mańyzdy kórsetkishi retinde qazaqstandyq naryqta rýmyn kapıtalynyń qatysýymen 30-dan astam kásiporyndar jumysynyń faktisi atalyp ótti.
Qazaqstan men Rýmynııa syrtqy saıası vedomstvolary basshylarynyń orynbasarlary úkimetaralyq jáne vedomstvoaralyq yntymaqtastyq mehanızmderiniń tabysty qyzmetin, ekonomıka salasyndaǵy aıtarlyqtaı damyǵan kelisim-shart-quqyqtyq bazasynyń qalyptasýyn belgiledi. Saýda-ekonomıkalyq jáne ınvestıtsııalyq ózara árekettestik úshin jaǵdaıdyń odan ári jaqsarýy maqsatynda, taraptar kóliktik-tranzıttik salada kúsh-jiger úılestigin kúsheıtýge, aýyl sharýashylyǵy, azyq-túlik ónerkásibi, aqparattyq tehnologııalar jáne týrızm sekildi perspektıvalyq vektorlar boıynsha ózara árekettestikti keńeıtý boıynsha sharalardy jandandyrýǵa kelisti. Osy maqsatta da jańa salalyq kelisimder jasaý esebinen kelisim-shart-quqyqtyq qordy odan ári keńeıtýdiń perspektıvalary talqylandy.
Halyqaralyq arenada ózara árekettestik aıasyndaǵy aımaqtyq jáne ǵalamdyq kún tártibi máseleleri boıynsha taraptar ustanymdarynyń sáıkestigi nemese jaqyndyǵy belgilendi. Taraptar jappaı joıý qarýyn taratpaý, lańkestikpen kúres, bitimgershilik, halyqaralyq uıymdar sheńberindegi saılaýda ózara qoldaý sekildi kópjaqty yntymaqtastyq baǵytynyń ustanymdaryn úılestirý máselelerin qarastyrdy. Sondaı-aq, suhbattastar Ýkraınanyń ońtústik-shyǵysyndaǵy qaqtyǵysty retteý máselelerin qarastyryp, Mınsk ýaǵdalastyqtaryn oryndaý mańyzdylyǵyn atap ótti, sonymen birge, Aýǵanstandy turaqtandyrýǵa qolǵabys kórsetý boıynsha kúsh-jigerdi úılestirý jóninde talqylady.
Rýmynııanyń 2019 jyldyń birinshi jartysynda Eýropalyq Odaq Keńesindegi tóraǵalyǵyna, eýropalyq baǵyttaǵy QR basymdylyqtaryn ilgeriletýge, sondaı-aq Ortalyq Azııa boıynsha jańa EO Strategııasyn qabyldaý daıyndyǵyna erekshe kóńil bólindi.
Keńester barysynda bilim jáne mádenıet salasyndaǵy baılanystarǵa, onyń ishinde Qazaqstandaǵy 22 myńnan qurylǵan rýmyn dıasporasynyń áleýetin qoldanýǵa kóp kóńil bólindi. Rýmyn tarapy 2015 jyldan bastap Rýmynııanyń elordasy, sondaı-aq Klýj-Napoka jáne Konstantsa qalalarynda turaqty ótkizilip otyrǵan qazaqstandyq kıno festıvalderiniń uıymdastyrylýyna alǵys bildirdi.
Keńester qorytyndysy boıynsha 2019-2020 jyldarǵa arnalǵan Qazaqstan Respýblıkasy jáne Rýmynııa Syrtqy ister mınıstrlikteri arasyndaǵy Іs-qımyldar josparyna qol qoıyldy.
Sapar sońynda R. Vasılenko Rýmynııanyń «Agerpres» Memlekettik jańalyqtar agenttigine suhbat berip, qazaqstan-rýmyn yntymaqtastyǵynyń ahýaly men damý perspektıvalary týraly baıandady.
