Qazaqstan men Rýanda arasynda ІT salasyn birlesip damytý memorandýmy rásimdeledi
ASTANA. QazAqparat – Qazaqstan men Rýanda arasynda ІT salasyn birlesip damytý memorandýmy rásimdeledi. Bul týraly Aqordada Tsıfrlyq damý, ınnovatsııalar jáne aeroǵarysh ónerkásibi mınıstri Jaslan Mádıev aıtty.
- Birinshiden, Rýanda memleketimen ІT salasyn birge damytý úshin memorandýmǵa qol qoıamyz. Olar e-government platformasyn damytyp jatyr. El elektrondy úkimetti damytý boıynsha álemdik reıtıngte 119-orynda bolsa, biz 24-oryndamyz. EGov platformamyzdy kórsetip, onyń qandaı quraldaryn eksporttaýǵa bolatynyn tanystyramyz. Ekinshiden, Rýanda Prezıdenti spýtnık qurastyrý zaýytyna barady. Olarǵa jerdi qashyqtan zondtaý spýtnıkterin qurastyrý, baılanys múmkindikterin kórsetemiz, - dedi mınıstr BAQ ókilderine bergen suhbatynda.
Osy oraıda ol ótken jyly Qazaqstan tarıhynda eń birinshi spýtnık eksportyna qatysty kelisimshart Mońǵolııamen, al bıyl Kongomen rásimdelgenin atap ótti.
- Astana ekonomıkalyq forýmy aıasynda taǵy bir eksporttyq kelisimshart jasalady. Ony artynan jarııa etemiz. Rýanda da spýtnık eksporty boıynsha kelisimshart jasasý múmkindigin qarastyrýdy josparlap otyr, - Jaslan Mádıev.
Buǵan deıin Memleket basshysy Qasym-Jomart Toqaev Aqordada Qazaqstanǵa resmı saparmen kelgen Rýanda Prezıdenti Pol Kagameni qarsy alǵanyn jazǵan edik.