Qazaqstan men RF Chelıabi oblysynyń 6 aıdaǵy taýar aınalymy 1,2 mlrd dollardan asty
ASTANA. QazAqparat - Qazaqstan men RF Chelıabi oblysynyń basqa eldermen taýar aınalymyndaǵy qurylymynda 24%-dy ala otyryp jáne kórshi Qytaıdan alǵa ozyp, birinshi orynǵa shyqty dep habarlaıdy Qazaqstannyń Syrtqy saýda palatasynyń baspasóz qyzmeti.
Chelıabide ótken Oral azyq-túlik forýmynda bul kórsetkishti odan ári arttyrýdyń sáti tústi. Forým aıasynda «Almaty ónimi» JShS 20 mıllıon rýblden astam somaǵa kondıterlik buıymdardy eksporttaýǵa kelisimshart jasasty.
«Alhan Halal» jáne «ALBA Foods Company» kompanııalary Chelıabiniń jáne oblystyń saýda jelilerine 50 mıllıonnan astam rýblge shujyq ónimderin jetkizýge sharttar jasasty.
«Chelıabi qazaqstandyq eksporttaýshylar úshin áleýetti ótkizý naryǵy bolyp tabylady, bul shekaralas óńir. Osy is-shara tamaq ónimderin óndirýshiler tarapynan úlken qyzyǵýshylyq týdyrdy, osyǵan baılanysty Qazaqstannyń Syrtqy saýda palatasy qazaqstandyq tamaq ónimderin óndirýshilerdiń Ýral azyq-túlik forýmyna katysýyn uıymdastyrdy», - dep atap ótti Qazaqstannyń Syrtqy saýda palatasynyń ókili Ánýar Beısekov.
Forýmǵa Ońtústik Oral, Sverdlov, Qorǵan, Volgograd oblystarynyń, Altaı ólkesiniń, Bashkırııanyń, Ýdmýrtııanyń, Qazaqstan Respýblıkasynyń aýyl sharýashylyq jáne tamaq ónerkásibiniń 150-den astam kásiporyndary qatysty.
Salanyń jańa ınvestıtsııalyq múmkindikteri, problemalary men perspektıvalary talqylandy. Ondaǵan iskerlik is-sharalardan basqa, tamaq ónimderi men sýsyndardan dám tatyp kórý kásibı konkýrsy bolyp ótti.
Chelıabi oblysy men Qazaqstannyń 2018 jyldyń birinshi jarty jyldyǵyndaǵy taýar aınalymy 1,2 mıllıard AQSh dollarynan asqanyn atap ótý kerek.
Negizinen bul mıneraldy ónimderge, metaldar men odan jasalǵan buıymdarǵa tıesili boldy. Sondaı-aq biz janýarlar men ósimdikten alynatyn ónimderimen, maılarmen, tamaq ónimderimen, sýsyndarmen jáne temekimen ózara saýda-sattyq jasaımyz.
