Qazaqstan men Reseıdiń jasóspirimder quramasy shahmattan onlaın match ótkizdi
NUR-SULTAN. QazAqparat – 16 jasqa deıingi Qazaqstan men Reseıdiń jasóspirimder quramasy arasynda ótken shahmattan halyqaralyq onlaın match máresine jetti. Jarystyń jalpy qorytyndysy 45:31 esebimen reseılik shahmatshylardyń paıdasyna sheshildi, dep habarlaıdy QazAqparat Qazaqstan shahmat federatsııasyna silteme jasap.
Jeńis tuǵyrynan kórine almasa da, bizdiń shahmatshylar sońyna deıin tabandylyq kórsetip, qyzyqty oıyn ótkizdi.
Reseı quramasynda Volodar Mýrzın (11,5 upaı), Qazaqstan quramasynda Nógerbek Qazybek (7,5 upaı) úzdik nátıje kórsetti. Qyzdar arasynda reseılik Leıa Garıfýllına (8,5 upaı), qazaqstandyq Merýert Qamalıdenova (9 upaı) joǵary kórsetkishke qol jetkizdi.
Aıta keteıik, jekpe-jekterdiń birinde Merýert reseılik eń myqty jasóspirim Volodar Mýrzındi jeńdi.
Ár komandada 16 jasqa deıingi 5 shahmatshy boldy.
Qazaqstan quramasy atynan Nógerbek Qazybek, Ańsat Aldııar, Júkenov Aıtýar, Balabaeva Ksenııa jáne Merýert Qamalıdenova qatysty. Reseı quramasynan Mýrzın Volodar, Makarıan Rýdık, Tsvetkov Andreı, Garıfýllına Leıa jáne ıAkımova Marııa óner kórsetti.
16 jasqa deıingi uldar men qyzdar arasyndaǵy Qazaqstan men Reseı quramalary arasyndaǵy joldastyq kezdesý 2020 jylǵy 7 maýsymda Nur-sultan ýaqyty boıynsha saǵat 19:00-den 21:00-ge deıin Lichess.org oıyn platformasynda ótti.
