Qazaqstan men Reseıdiń ulttyq qaýipsizdik qyzmetteri birge arnaıy operatsııa ótkizdi
Memleket Basshysy tapsyrmasynyń aıasynda Qazaqstan Respýblıkasy Ulttyq qaýipsizdik komıteti men Іshki ister mınıstrligi uıymdasqan qylmystyń eldegi áleýmettik-ekonomıkalyq jaǵdaıǵa tıgizetin áserin tómendetý boıynsha jumysty jalǵastyrýda.
2023 jylǵy 3 qańtarda QR UQK men ІІM Reseılik Federaldyq qaýipsizdik qyzmeti jáne ІІM-men birge Baıqońyr qalasynda quramyna Qazaqstan jáne Reseı azamattary kirgen qoǵamǵa qaýipti uıymdasqan qylmystyq toptyń jolyn kesý boıynsha birlesken arnaıy operatsııany iske asyrdy.
Bir ýaqytta Astana, Qyzylorda jáne Qonaev qalalarynda atalǵan toptyń kómekshileri ustaldy.
Jalpy arnaıy operatsııa barsynda uıymdasqan qylmystyq toptyń 18 basshylary men belsendi músheleri ustaldy.
Olardyń turǵylyqty jerleri boıynsha atys qarýy, aqshalaı qarjy jáne tergeý úshin qyzyǵýshylyq týdyratyn ózge de materıaldar alyndy.
Qylmystyq toptyń adam urlaýǵa, bopsalaýǵa, qarýmen qaraqshylyq shabýyldaý jáne urlyqqa qatystylyǵy bary anyqtaldy. Qylmystyq elementter uzaq ýaqyt boıy Baıqońyr qalasy jáne Qyzylorda oblysyndaǵy qylmystyq ahýalǵa keri áser etip kelip, aýyr jáne asa aýyr qylmystardy jasaýda qatygezdikterimen erekshelengen.
Mysaly, 2022 jylǵy qyrkúıekte qylmystyq toptyń qatysýshylary arasyndaǵy qarýly qaqtyǵys saldarynan kósheden ótip bara jatqan beıbit adam oq jaraqatyn alyp, oqıǵa ornynda kóz jumǵan.
UQK qyzmetkerleri arnaıy operatsııany prokýratýramen kelise otyryp, jedel-izdeý jáne tehnıkalyq is-sharalardyń keshenin júrgizý arqyly kóp aılar boıy tyńǵylyqty ázirlep kelgen.
Qazirgi ýaqytta sot aldy tergeý aıasynda ustalǵandardyń ózge de qylmystarǵa qatystylyǵy tekserilýde jáne qajetti tergeý amaldary júrgizilýde.
QR UQK baspasóz qyzmeti
