Qazaqstan men Reseıdiń polıtseıleri qylmyspen birlesip kúrespek
ASTANA. QazAqparat - Pavlodarda Dostyq úıinde Qazaqstan men Reseıdiń bes óńirinen jınalǵan kúsh vedomstvolary jetekshileriniń qatysýymen yntymaqtastyq boıynsha jıyn ótti, dep habarlaıdy pavlodarnews.kz.
Eki memlekettiń polıtseıleriniń birlesken jumysyn talqylaýǵa Novosibir, Omby oblystary men Altaı ólkesiniń, sondaı-aq, Pavlodar men Shyǵys Qazaqstan oblystarynyń delegatsııalary keldi.
«Pavlodar óńiriniń Reseı Federatsııasy shekarasymen uzyndyǵy 987 shaqyrymdy quraıdy. Bizdiń óńirlerdi biriktiretin kólik aǵymy bar. Sondyqtan transshekaralyq qylmyspen kúres munda mańyzdy ról atqarady. Men qazaq jerinde kórshilerimizdi qarsy alǵanyma qýanyshtymyn. Reseı men Qazaqstannyń arasyndaǵy baılanys yntymaqtastyqtyń úlgisine aınalǵan», - dedi jıynda oblys ákimi Bolat Baqaýov.
Pavlodar oblysy ІІD-niń bastyǵy Marat Qojaevtyń aıtýynsha, búgingi jınalys aldaǵy EKSPO-2017 kórmesimen baılanysty.
Sarapshylardyń boljamynsha, Astana bıyl jazda 120 elden bes mıllıonnan astam adamdy qabyldaıdy.
