Qazaqstan men Reseıdiń ortalyq bankteri qor jınap aldy - sarapshy
ASTANA. QazAqparat - Máskeýdegi QazAqparattyń arnaýly tilshisine suhbat bergen RF Úkimet janyndaǵy sarapshylyq keńestiń múshesi, «Valdaı» halyqaralyq pikirtalas klýbynyń baǵdarlamalyq dırektory ıAroslav Lısovolık reseı rýbli baǵamynyń dınamıkasyna, onyń teńgege, Qazaqstan men EEAO ekonomıkasyna yqpalyna qatysty boljamymen bólisti.
«Sońǵy aptanyń ishinde reseılik rýbl baǵamynyń aıtarlyqtaı aýytqýǵa jol bergenin kórdik. Degenmen, tolyqtaı alǵanda sońǵy ýaqyttaǵy ahýaldy birshama pozıtıvti dep sıpattaýǵa bolady. Rýbl, dollar, eýro jáne ózge de valıýtalarǵa qatysty nyǵaıa túsetin sııaqty», - dedi ıA.Lısovolık.
Onyń paıymynsha, rýbl baǵamynyń munan ary turaqtanýy baıqalatyn bolady. Al bul óz kezeginde ekonomıkalyq ósimge naqty serpin beredi.
«Reseı Ekonomıkalyq damý mınıstrliginiń resmı boljamdarymen kelisýge de bolady. Oǵan sáıkes 2018 jyl boıyna rýbldiń quny 1 dollarǵa 62-63 rýbl sheshinde bolýy múmkinshiligi jetkilikti. Buǵan qosa, búginde baıqalyp otyrǵan munaıdyń joǵary baǵasyn aıtar bolsaq, ol áli de bolsa rýblge óz yqpalyn tıgize alǵan joq. Menińshe, jyldyń sońyna deıin onyń áserin baıqaımyz. Sondyqtan munaıdyń baǵasy osyndaı joǵary bolyp turǵan kezde rýblge qunsyzdanǵannan góri nyǵaıýǵa keńistik mol», - dedi sarapshy.
Sonymen qatar ol rýbldiń nyǵaıýy Qazaqstannyń ulttyq valıýtasyna da oń áserin tıgizip, eýrazııalyq keńistiktegi ózara saýdany jandandyratyndyǵyn atap ótti.
«Qazirgi ýaqytta Qazaqstan men Reseıdiń ortalyq bankterinde aldaǵy ýaqytta bolýy múmkin shamadan tys quldyraýlarǵa qarsy turýǵa aıtarlyqtaı qor jınaqtalǵan. Buǵan qosa, damýshy elderdiń qarjy naryqtaryndaǵy qubylmalyqtyń joǵary bolýyna qaramastan Qazaqstanda ekonomıkalyq ósimniń ishki faktorlary esebinen ekonomıkalyq ósimniń joǵary qarqynyn kórsetýin jalǵastyra berýge múmkinshiligi bar», - dedi Valdaı» halyqaralyq pikirtalas klýbynyń baǵdarlamalyq dırektory.
