Qazaqstan men Reseıdiń kezekti yntymaqtastyq forýmy Petropavlda ótedi
ASTANA. QazAqparat - Qazaqstan men Reseıdiń HV óńiraralyq yntymaqtastyq forýmy 9 qarasha kúni Petropavl qalasynda ótedi, dep habarlaıdy QazAqparat tilshisi QR SІM baspasóz qyzmetine silteme jasap.
«Reseılik seriktesterimizben belsendi daıyndyq jumystary júrip jatyr. Forým barysynda birqatar ekijaqty qujattarǵa qol qoıý josparlanǵan. Forým taqyryby - «Qazaqstan men Reseıdiń týrızmin damytýdaǵy jańa tásilder men úrdister», - dep habarlady QR SІM baspasóz qyzmeti.
Eske sala ketsek, 2017 jyly 9 qarashada Qazaqstan men Reseıdiń HIV óńiraralyq yntymaqtastyq forýmy qos prezıdenttiń qatysýymen Chelıabi qalasynda ótken edi. Adamı kapıtaldy damytý taqyrybyna arnalǵan forýmǵa óńir basshylary, memlekettik organdar ókilderi, isker toptar men eki eldiń ǵylym jáne bilim salasyndaǵy sarapshylary men mamandary qatysty.
