Qazaqstan men Reseıdiń iri qalalary arasynda tikeleı áýe reısteri artady
PETROPAVL. QazAqparat - Qazaqstan men Reseıdiń iri qalalary arasynda tikeleı áýe reısterin damytý kerek. Bul týraly Qazaqstan men Reseıdiń Óńiraralyq yntymaqtastyǵynyń XV forýmynda QR Mádenıet jáne sport mınıstri Arystanbek Muhamedıuly málim etti, dep habarlaıdy QazAqparat.
«Bizdiń basty maqsatymyz - ózara tıimdi múddelerdi alǵa jyljytýǵa kedergi bolyp turǵan máselelerdi sheshý. Ol úshin taıaý ýaqytta birqatar qadamdardy iske asyrý kerek. Birinshiden, logıstıkalyq dálizder taqyrybyn pysyqtaý qajet. Búginde eki eldiń iri qalalary arasynda aptasyna qos baǵytta 210 tikeleı áýe reısteri júredi. Sonymen birge, shekaramen shektes aımaqtardaǵy iri oblys ortalyqtary arasynda tikeleı reıster joq. Mysaly, Chelıabiden Astanaǵa jetý úshin, Máskeý arqyly saparlaý kerek», - dedi mınıstr.
Sonymen qatar A. Muhamedıuly Qazaqstan men Reseı arasynda vızalyq-mıgratsııalyq rejimderdi úılestirý taqyrybyna toqtaldy.
Budan buryn habarlanǵandaı, Qazaqstan men Reseıdiń Óńiraralyq yntymaqtastyǵynyń XV forýmynda QR Mádenıet jáne sport mınıstri Arystanbek Muhamedıuly eki eldiń týrızm salasyn damytýdyń múmkindikterin baıandady.
Sonymen qatar onda Aqtaý sammıti Kaspıı teńizindegi týrızmdi damytýǵa yqpal etkendigi aıtyldy.
Aıta keteıik, búgingi forým «Qazaqstan men Reseıdegi týrızmdi damytýdyń jańa joldary men úrdisteri» taqyrybynda ótip jatyr.
