Qazaqstan men Reseıdiń Ekologııa mınıstrleri qorshaǵan ortany qorǵaý salasyndaǵy birlesken sharalardy talqylady
QR Ekologııa, geologııa jáne tabıǵı resýrstar mınıstri Maǵzum Myrzaǵalıev reseılik áriptesterine Jaıyq ózeni boıynsha gıdrologııalyq jyldyq anyqtamalarmen almasýdy usyndy. Bul týraly Orynbor qalasyndaǵy Qazaqstannyń Ekologııa mınıstri men Reseı Federatsııasy tabıǵı resýrstar jáne ekologııa mınıstri Aleksandr Kozlovtyń ekijaqty kezdesýinde aıtyldy.
Maǵzum Myrzaǵalıevtiń aıtýynsha, Jaıyqtyń tartylýy men osynyń áserinen ózen ekojúıesiniń buzylýy – onyń sý sharýashylyq júıesin keshendi zertteýdi talap etedi. Mınıstr 1981 jylǵa jeıin Jaıyqtyń biryńǵaı gıdrologııalyq jyldyǵy jasalyp, 1982 jyldan bastap QazKSR men RFKSR úshin bólek daıyndala bastaǵanyn atap ótti. Al KSRO taraǵan soń ár el óz aldyna jasaıtyn boldy.
«Dál osyndaı jumys tásili biz qazir kórip otyrǵan saldarǵa ákep soqtyrdy dep esepteımin. Osyǵan baılanysty Jaıyq boıynsha gıdrologııalyq jyldyqtarmen turaqty túrde almasyp otyrý tájirıbesin engizýdi usynamyn, - dedi M.Myrzaǵalıev.
