Qazaqstan men Reseıdiń Bas prokýrorlary kezdesý ótkizdi
Sapar barysynda Reseıdiń Bas Prokýrory Igor Krasnovpen kezdesti.
Qadaǵalaý vedomstvolarynyń basshylary vedomstvoaralyq yntymaqtastyqty nyǵaıtý jáne kelisimdik-quqyqtyq bazany keńeıtý máselelerin talqylady.
Azamattyq, otbasylyq jáne qylmystyq ister boıynsha quqyqtyq kómek pen quqyqtyq qatynastar týraly Konventsııa sheńberindegi ózara kómektiń ózekti aspektilerin qarastyrdy.
Reseıdiń Tergeý komıteti men Іshki ister mınıstrliginiń basshylyǵymen kelissózder júrgizildi.
Bas Prokýror Qazaqstanda júrgizilip jatqan reformalar men qylmystyq sot isin júrgizýdegi jańalyqtar týraly aıtyp ótti. Atap aıtqanda, qylmystyq protsestiń úsh býyndy modeline kóshý jáne sotqa deıingi tergep-tekserý organdarynyń barlyq negizgi sheshimderin prokýrorlardyń elektrondyq formatta kelisýi aıtyldy.
Mundaı tártip prokýrorlarǵa alǵashqy satyda azamattardyń konstıtýtsııalyq quqyqtaryn buzýdyń jolyn kesýge jáne olardyń qylmystyq protsess sheńberine zańsyz tartylýyna jol bermeýge múmkindik beretinin atap ótti.
Ol jınaqtalǵan tájirıbemen bólisýge daıyn ekenin bildirdi.
Ǵızat Nurdáýletov budan basqa reseılik áriptesterimen transulttyq uıymdasqan qylmysqa, esirtkiniń zańsyz aınalymyna, ekonomıkalyq kontrabandaǵa jáne zańsyz oıyn bıznesine qarsy birlesken is-qımyl jónindegi jumystyń keleshek máselelerin talqylady.
Taraptar qylmysqa qarsy kúreste ekijaqty yntymaqtastyqty nyǵaıtýǵa ýaǵdalasty.
