Qazaqstan men Reseıdiń aqparattyq qaýipsizdigi máseleleri talqylandy
Qazaqstan Respýblıkasy Prezıdentiniń kómekshisi - Qaýipsizdik Keńesiniń Hatshysy Qalmuhanbet Qasymovtyń jáne Reseı Federatsııasy Qaýpsizdik Keńesiniń Hatshysy Nıkolaı Patrýshevtiń tóraǵalyǵymen ótken kelissózder barysynda yntymaqtastyqtyń ózekti máseleleri talqylandy.
Taraptar eki memlekettiń BUU, EAEO, EQYU, ShYU, UQTShU jáne basqa da halyqaralyq uıymdardyń aıasynda óńirlik jáne álemdik qaýipsizdikti kúsheıtýge baılanysty ózara is-qımyldardy qarastyrdy. Osy baǵytta yntymaqtastyqty nyǵaıtý jóninde pikir almasty.
Sonymen qatar, kıberqaýipsizdik máseleleri de talqylandy. Qaýipsizdik keńesteri apparattarynyń jáne ókiletti memlekettik organdardyń ókilderi osy saladaǵy ózektiligi kún saıyn artyp kele jatqan ózara yqpaldastyqtyń qazirgi jaı-kúıin talqylady.
Qazaqstan men Reseıdiń aqparattyq qaýipsizdigin qamtamasyz etý úshin seriktestiktiń tıimdiligin arttyrý jónindegi tıisti usynystar pysyqtaldy.
Jumys qorytyndysy boıynsha eki eldiń tıisti memlekettik organdaryna naqty tapsyrmalar berildi.
Qaýipsizdik keńesteri apparattary arasyndaǵy konsýltatsııalar qabyldanǵan yntymaqtastyq josparyna sáıkes turaqty túrde ótkiziledi.