Qazaqstan men Reseıdegi tabıǵı erekshelikti basqa elderden tappaımyz - Pýtın
PETROPAVL. QazAqparat - Qazaqstan men Reseıde týrısterdiń qyzyǵýshylyǵyn týdyratyn jerlerdiń múmkindigin keńinen paıdalaný kerek. Bul týraly týrızm salasyn damytý taqyrybyna arnalǵan Qazaqstan men Reseıdiń Óńiraralyq yntymaqtastyǵynyń XV forýmynda RF Prezıdenti Vladımır Pýtın málim etti, dep habarlaıdy QazAqparat.
«Qazaqstan men Reseı aýmaǵynda týrısterdiń qyzyǵýshylyǵyn týdyratyn keremet jerler barshylyq. Osyndaı ǵajaıyp jerler turǵanda, alys elderge saparlaý kerek pe? Árıne, álemde tartymdy baǵdarlar az emes, ıaǵnı dúnıejúzine tanylǵan týrıstik ortalyqtar bar. Alaıda Qazaqstan men Reseı jerindegi tabıǵı áralýandyqty basqa elderden tappaısyzdar», - dedi V. Pýtın.
Osy oraıda ol biregeı ári ekologııalyq taza demalys oryndaryna adamdar kóptep tartylatynyn sóz etti.
«Bul turǵyda kóz tartatyn keremet jerler boıynsha biz álemdegi eń baı adamdarmyz. Jalpy, osy baǵyttaǵy jumystardyń qarqynyn údete túsý kerek. Bul salada bizdiń áleýetimiz joǵary», - dep túıdi Vladımır Pýtın.
Budan buryn habarlanǵandaı, Petropavldaǵy forým aıasynda Nursultan Nazarbaev pen Vladımır Pýtın qujatqa qol qoıdy.
Sonymen qatar RF basshysy kelesi Qazaqstan men Reseıdiń Óńiraralyq forýmy Ombyda ótetinin málim etti.
