Qazaqstan men Reseıde óndirilgen «Spýtnık V» vaktsınasynyń aıyrmashylyǵy bar ma
NUR-SULTAN. QazAqparat - QR Densaýlyq saqtaý mınıstrligi halyqty ımmýndaý jónindegi ulttyq konsýltatıvtik komıssııasynyń múshesi, medıtsına ǵylymdarynyń doktory, professor Jannat Satybaldıeva Qazaqstanda shyǵarylǵan «Spýtnık V» vaktsınasyna kúmán keltirýge negiz joq ekenin aıtty, dep habarlaıdy QazAqparat tilshisi.
«Bul turǵyda alańdaýǵa negiz joq. Birinshiden, vaktsınanyń negizgi komponenti – ol Reseıde óndirilgen «Spýtnık V». Al Qaraǵandy farmatsevtıkalyq keshende atqarylatyn kezeńderge toqtalsaq, flakondarǵa quıý, bólshektep ólsheý men basqa da jumystar qamtylǵan. ıAǵnı, osynyń barlyǵy vaktsınanyń sapasyna áser etpeıdi. Bul zaýyt akkredıttelgen jáne tıisti óndiristik tájirıbe talaptaryna sáıkes keledi», - dedi J. Satybaldıeva vaktsına taqyrybyna arnalǵan onlaın talqylaý barysynda.
Osy oraıda ol atalǵan zaýyt zamanaýı tehnologııalarmen jumys isteıtinin atap ótti.
«Bul turǵyda alańdap kerek emes. Sebebi ol bıologııalyq sıpattaǵy dárilik preparattarmen jumys isteý úshin arnalǵan. Bul óz kezeginde koronavırýsqa qarsy vaktsına shyǵarýǵa laıyqty keshen. Zaýyt joǵary sapaly jabdyqtarmen qamtamasyz etilgen. Sondyqtan sapa boıynsha eshqandaı aıyrmashylyq joq. Osy oraıda tehnologııalar transferi eskerilgen jáne mundaı yntymaqtastyqqa qoldaý bildirgen jón», - dedi ǵalym.
Budan buryn habarlanǵandaı, Jannat Satybaldıeva Qazaqstanda vaktsınalardy tekserýge erekshe mán beriletinin aıtty.
Sonymen qatar ol «Spýtnık V» vaktsınasynyń tıimdiligine qatysty túsinik berdi.
