Qazaqstan men Reseı jetinshi Kaspıı sammıtin Iranda ótkizý bastamasyn qoldady
MÁSKEÝ. KAZINFORM — QR Syrtqy ister mınıstri Ermek Kósherbaevtyń Máskeýge resmı sapary aıasyndaǵy kezdesýde Kaspıı teńizindegi birlesken jumystar talqylandy.
Qazaqstan men Reseı mınıstrleri keler jyly Kaspıı sammıtin Iran astanasynda ótkizý bastamasyn qoldady.
— Búgingi kezdesýde Kaspııdegi birlesken jumysqa degen suranystyń saqtalǵanyn jáne tipti artyp kele jatqanyn atap óttik. Kaspıı mańyndaǵy bes memleket teńizge qatysty máselelerdi sheshýde aıryqsha quzyretke ıe, óńirdegi ornyqty damý, ondaǵy beıbitshilik pen qaýipsizdikti qamtamasyz etý úshin jaýapty degen pikirge toqtadyq. 2026 jylǵy 12 tamyzda Tegeranda jetinshi Kaspıı sammıtin ótkizý týraly ırandyq usynysty oń dep sanaımyz. Bul Kaspıı kúni bolyp sanalady, — dedi Reseı Syrtqy ister mınıstri Sergeı Lavrov kezdesý qorytyndysy boıynsha brıfıngte.
Budan buryn habarlanǵandaı, elimizdiń Syrtqy ister mınıstri Ermek Kósherbaevtyń Reseı Federatsııasyna resmı saparmen bardy.
Sonymen qatar Sergeı Lavrov Qazaqstan Prezıdentiniń Reseıge memlekettik sapary halyqaralyq aýqymdaǵy oqıǵa ekenin aıtqan edi.