Qazaqstan men Reseı yntymaqtastyǵynyń negizi salalary - saýda-sattyq, ǵarysh, atom, energetıka
STANA. Naýryzdyń 4-i. QazAqparat - Qazaqstan Respýblıkasynyń Premer-Mınıstri Kárim Másimov sársenbi kúni Máskeýde Reseı Federatsııasy Úkimetiniń Tóraǵasy Vladımır Pýtınmen kezdesý ótkizdi,
dep habarlady QR Úkimet basshysynyń baspasóz qyzmetinen.
Ekijaqty saýda-ekonomıkalyq yntymaqtastyqty ári qaraı damytý, onyń ishinde - ǵarysh, elektr-energetıkalyq salalardaǵy, sondaı-aq atom ónerkásibi salasyndaǵy yntymaqtastyqty damytý máseleleri talqylandy. Qazaqstan men Reseıdiń Kedendik odaqtyń jáne qurylyp jatqan Biryńǵaı ekonomıkalyq keńistiktiń aıasyndaǵy ózara is-qımyldarynyń ózekti máseleleri de sóz boldy.
«Alǵa qoıylǵan mindetterdi sheshýde úlken ilgerileýshilikter bar. Meniń oıymsha, belgilengen merzimde, ózara keliskendeı maýsymnyń 1-ine deıin, barlyq mindetter sheshilýi kerek», dedi K.Másimov óz sózinde.
V.Pýtın óz kezeginde, «yqpaldastyq úderisterinde Qazaqstannyń postkeńestik keńistiktegi sózsiz kóshbasshy ekenin jáne eldiń kóp jumystar atqaryp otyrǵanyn, eń aldymen Kedendik odaqty qurýdaǵy úlesi zor ekenin» atap kórsetti.
Kezdesý sońynda K.Másimov pen V.Pýtın Qazaqstan men Reseıdiń arasyndaǵy yntymaqtastyqtyń tabysty damıtynyna senim bildirdi.
