Qazaqstan men Reseı vıtse-premerleri tsıfrlandyrý máselelerin talqylady
Negizgi kún tártibine «Tsıfrlyq ekonomıka» bekitilgen forýmǵa RF úkimetiniń tóraǵasy Dmıtrıı Medvedev, RF úkimeti tóraǵasynyń orynbasary Arkadıı Dvorkovıch, «Alibaba Group» kompanııasy dırektorlar keńesiniń tóraǵasy Djek Ma, «Sberbank» qoǵamdyq AQ basqarmasynyń prezıdenti jáne tóraǵasy German Gref, Lıýksembýrgtiń premer-mınıstri Ksave Betel, Ulybrıtanııa úkimeti memlekettik tsıfrlyq qyzmetiniń tehnıkalyq dırektory Lıam Maksvell jáne ózge de memleket qaıratkerleri men bıznes kapıtandary qatysty.
Forým álemniń 90-nan astam elinen kelgen 18 myńǵa jýyq qatysýshynyń basyn qosty. Qatysýshylar tsıfrlyq ekonomıka men álemdik aqparattandyrýdyń damýymen tyǵyz baılanysty jahandyq protsessterdiń ózgerýin belsendi talqylady.
Sondaı-aq, qazaqstandyq vıtse-premer forým aıasynda óziniń reseılik áriptesi A.Dvorkovıchpen kezdesti. Sochıde ótken Joǵary Eýrazııa ekonomıkalyq keńesindegi EAEO-ǵa múshe memleketterdiń tsıfrlyq ekonomıkalaryn sáıkestendirý týraly EAEO memleket basshylarynyń tapsyrmalaryna sáıkes, Qazaqstan men Reseıdiń vıtse-premerleri EAEO aıasyndaǵy eki eldiń ekonomıkalaryn tsıfrlandyrý salasyndaǵy qyzmettiń negizgi baǵyttaryn talqylady. Taraptar atalǵan baǵyttaǵy yntymaqtastyqty tereńdetý qajettigin atap ótti.
«Qazirgi ýaqytta Memleket basshysynyń tapsyrmasy boıynsha «Tsıfrly Qazaqstan» baǵdarlamasyn jetildirýmen aınalysýdamyz, onda adamı kapıtaldy damytý, proaktıvtik memleketti damytý, tsıfrlyq ınfraqurylym qurý men ekonomıkanyń barlyq salalaryn tsıfrlandyrý qarastyrylǵan. Sondaı-aq, atalǵan baǵdarlamada ekojúıeni damytý jáne ónerkásiptik kásiporyndardy tsıfrlandyrý syndy mańyzdy elementter bolady. Jaqyn arada bul baǵdarlamany jetildirýdi aıaqtaımyz», - dedi A.Jumaǵalıev.
Odan bólek, qazaqstandyq vıtse-premer «Skolkovo» tehnoparki negizinde «Innovatsııalyq tehnologııalar parki» Qazaqstannyń avtonomdy klasterlik qorynyń qazaqstandyq ókildiginiń ashylýyna qatysty.
«Skolkovodaǵy» «Innovatsııalyq tehnologııalar parki» barlyq qajetti jaǵdaılardy jasaıdy jáne bizdiń startaptarǵa Eýrazııa ekonomıkalyq odaǵynyń naryǵynda jumys isteýge múmkindik beredi», - dep atap ótti A.Jumaǵalıev.