Qazaqstan men Reseı vaktsına pasporttaryn ózara taný algorıtmin kelisti

NUR-SULTAN. QazAqparat - Qazaqstan men Reseı Federatsııasynyń Densaýlyq saqtaý mınıstrlikteri vaktsınatsııa pasporttaryn ózara taný algorıtmin kelisti, dep habarlaıdy QazAqparat.

Buǵan deıin QR Densaýlyq saqtaý mınıstrligi reseılik áriptesterimen birlesip vaktsınatsııa týraly qujattardy taný sharttary men tártibin, aqparattyq júıelerdiń tehnıkalyq múmkindikteri men jumysyn qarastyrǵan bolatyn.

Qazirgi ýaqytta COVID-19-dan vaktsınatsııalanǵan jáne aýyryp jazylǵan adamdar týraly málimetter almasý bóliginde aqparattyq júıelerdiń ıntegratsııasy júrip jatyr.
Osy másele boıynsha taraptar arasynda túbegeıli kelispeýshilikter joq.
Esterińizge salatyn jaıt, Reseı Federatsııasymen vaktsınalaý pasporttaryn ózara taný qajettiligi máselesi birneshe ret joǵary deńgeıde kóterilip, QR Densaýlyq saqtaý mınıstrligi ekijaqty tártipte, sondaı-aq TMD, EAEO alańdarynda talqylandy.