Qazaqstan men Reseı týrızmdi damytýǵa baǵyttalǵan kelisimge qol qoıdy
ASTANA. QazAqparat - 25-shi MITT Máskeý halyqaralyq týrıstik kórmesinde Kazakh Tourism ulttyq kompanııasy men Rostýrızm Reseı federaldy agenttigi arasynda yntymaqtastyq týraly memorandýmǵa qol qoıyldy, dep habarlaıdy «QazAqparat» HAA QR Reseıdegi elshiliginiń saıtyna silteme jasap.
Qazaqstan tarapynan kelisimge Kazakh Tourism basqarma tóraǵasynyń orynbasary Qaırat Sádýaqasov, al Reseı tarapynan - Rostýrızm basshysy Oleg Safonov qol qoıdy.
Memorandým eki eldiń týrızm salasyn damytý baǵytyndaǵy ózara tıimdi yntymaqtastyqqa baǵyttalǵan, atap aıtqanda, Qazaqstan men Reseı arasyndaǵy transshekaralyq týrlardy birlesip damytýǵa jáne ınvestıtsııalyq jobalarǵa qatysý máselelerin sheshedi.
Kazakh Tourism ókili málim etkendeı, qol qoıylǵan qujat memleketterdiń týrızmdi damytý baǵytyndaǵy qarym-qatynasyna serpin bermek.
Sondaı-aq, 2018 jyly Petropavlda Qazaqstan men Reseıdiń óńiraralyq yntymaqtastyq forýmy máseleleri boıynsha ózara qarym-qatynas týraly kelisimge qol jetkizildi.
