Qazaqstan men Reseı transshekaralyq sý resýrstaryn basqarýdy jetildiredi
ASTANA. KAZINFORM — Jıynǵa QR Sý resýrstary jáne ırrıgatsııa birinshi vıtse-mınıstri Nurlan Aldamjarov qatysty. Ol óz sózinde Qazaqstan men Reseıdiń transshekaralyq sý nysandaryn paıdalaný jáne qorǵaý salasyndaǵy yntymaqtastyǵynyń damý barysy týraly aıtty.
Sessııada spıkerler Qazaqstan men Reseıdiń qorshaǵan ortany qorǵaý salasyndaǵy ózara is-qımyly, Ertis ózeni basseıniniń ekojúıesin saqtaý sharalary, Ertis pen Jaıyq ózenderi basseınderinde gıdrologııalyq zertteýler júrgizý, sondaı-aq klımattyń ózgerýiniń transshekaralyq ózenderdiń sý moldyǵyna áseri máselelerin talqylady.
Paneldik sessııanyń maqsaty — Ertis ózenin qorǵaý, ekologııalyq monıtorıng júrgizý jáne sý resýrstaryn utymdy paıdalaný baǵyttaryndaǵy Qazaqstan men Reseı yntymaqtastyǵynyń basym baǵyttary boıynsha ortaq túsinik qalyptastyrý.
— Ertis ózeni boıynsha vedomstvoaralyq jumys toptary aıasynda ýákiletti organdardyń aldaǵy ýaqytta da syndarly jumysy ekijaqty yntymaqtastyqty nyǵaıtýǵa jáne transshekaralyq sý resýrstaryn basqarý tetikterin jetildirýge yqpal etedi dep senemiz, — dedi Sý resýrstary jáne ırrıgatsııa birinshi vıtse-mınıstri Nurlan Aldamjarov.
Aıta ketelik bıyl transshekaralyq sý resýrstarynyń spýtnıktik derekterimen almasý platformasy iske qosylady.
