Qazaqstan men Reseı transshekaralyq sý nysandaryn birlesip paıdalaný jáne qorǵaý máselecin talqylady
ACTANA. KAZINFORM – Ekaterınbýrg qalasynda Transshekaralyq sý nysandaryn birlesip paıdalaný jáne qorǵaý jónindegi Qazaqstan-Reseı birlesken komıssııasynyń XVI otyrysy ótti.
Qazaqstan delegatsııasyn Sý resýrstary jáne ırrıgatsııa vıtse-mınıstri Arsen Jaqanbaev bastap bardy. Taraptar Birlesken komıssııanyń XV otyrysynda qabyldanǵan sheshimderdiń oryndalý barysyn, onyń ishinde kóktemgi sý tasqynyn ótkizý, sý qoımalaryn toltyrý, halyq pen ekonomıka salalaryn sýmen qamtamasyz etý máselelerin talqylady.
Sondaı-aq transshekaralyq sý resýrstaryna júrgizilgen memlekettik monıtorıngtiń jáne sý qorǵaý is-sharalarynyń nátıjeleri qaraldy. Budan bólek, Jaıyq, Ertis jáne basqa da iri transshekaralyq ózender basseınderinde zertteýler júrgizýge arnalǵan Biryńǵaı jol kartasyn iske asyrýǵa, sondaı-aq Qaraózen men Saryózenniń sý sharýashylyǵy balansyn ázirleýge erekshe nazar aýdaryldy.
- Komıssııa kóktemgi sý tasqyny men sý basý kezeńinde ózara is-qımyl jasaý jónindegi Qazaqstan-Reseı birlesken jumys toby qyzmetiniń oń nátıjelerin atap ótti. Otyrys qorytyndysy boıynsha 2027 jylǵa arnalǵan jumys toptarynyń quramy men is-sharalar jospary bekitilip, Birlesken komıssııanyń kelesi otyrysyna daıyndyq máseleleri qaraldy, - dedi QR Sý resýrstary jáne ırrıgatsııa vıtse-mınıstri Arsen Jaqanbaev.
Aldaǵy bes jylda Qazaqstan ónerkásibi shamamen 1,7 mlrd tekshe metr sý únemdeýge tıis. Sý resýrstary jáne ırrıgatsııa mınıstrliginiń málimetinshe, buǵan qaıta paıdalanylatyn sý úlesin arttyrý arqyly qol jetkiziledi. Sý únemdeý úderisi egistikte, kanaldarda, sý qoımalarynda da júrip jatyr. Kazinform tilshisi osy jumystardyń qazirgi jaı-kúıin zerttep kórdi.
