Qazaqstan men Reseı ózara taýar aınalymyn 30 mıllıard dollarǵa deıin jetkizbek

MÁSKEÝ. KAZINFORM – Qazaqstan men Reseı prezıdentteri kelissóz júrgizip, eki el arasynda saýda, bilimi, atom stantsııasy qurylys sııaqty ózge de aýqymdy máselelerdi máselelerdi sóz etti.

– Vladımır Vladımırovıch, Sizge alǵysym sheksiz. Erekshe qonaqjaılyǵyńyz úshin shyn júrekten rızashylyǵymdy bildiremin. Reseı tarapy sapardy uıymdastyrýǵa muqııat ázirlengenin kórdik. Іs-sharalar jan-jaqty oılastyrylǵan. Biz úshin Reseı Federatsııasyna memlekettik sapar – bıylǵy eń aıtýly oqıǵa. Mınıstrlikter, vedomstvolar arqyly konsýltatsııalar júrgizip, tyńǵylyqty daıyndaldyq. Óıtkeni yntymaqtastyq aýqymy óte keń. Reseı Federatsııasymen barlyq salada tyǵyz baılanys ornattyq. Siz jańa ǵana qandaı jumys atqarylǵany, aldymyzda qandaı mindetter turǵany jóninde egjeı-tegjeıli aıttyńyz. Oǵan alyp-qosarym joq. Shyn máninde, memleketterimiz arasyndaǵy strategııalyq seriktestik pen odaqtastyq qatynastar – saıası sypaıylyq úshin aıtylǵan sóz emes, ózara yntymaqtastyǵymyzdyń mánin ashatyn sıpattaý,-dedi Qasym-Jomart Toqaev.

Sondaı-aq Memleket basshysy eki el arasyndaǵy ózara qarym-qatynasta eshqandaı túıtkil joq dep senimmen aıtýǵa bolatynyn jetkizdi.

- Álginde ózińiz aıtqandaı, barlyq sala tabysty damyp keledi. Taýar aınalymyn 30 mıllıard dollarǵa deıin arttyrý mindetin qoıdyq. Meniń oıymsha, bul qol jetkizýge bolatyn kórsetkish. Taıaý keleshekte maqsatymyzǵa oryndalady dep oılaımyn. Reseı Federatsııasymen atom energııasy salasyndaǵy yntymaqtastyqqa aıryqsha toqtalǵym keledi. Kóp uzamaı «Rosatommen» stansa qurylysyn bastaýǵa múmkindik beretin óte mańyzdy kelisimderge qol qoıamyz. Bul – serpindi joba. Óıtkeni atom elektr stansasy ǵana salynbaıdy, múldem jańa sala paıda bolady,-dep qosty Prezıdent.

Osy rette ol bilim salasyndaǵy yqpaldastyqqa toqtaldy.

- Reseıdiń 9 joǵary oqý orny, sonyń ishinde tanymal ýnıversıtetter Qazaqstanda fılıaldaryn ashty. Bul úshin Reseı Federatsııasynyń bilim salasy ókilderine rızashylyǵymdy bildiremin. Sonymen qatar Omby ýnıversıteti janynan ál-Farabı atyndaǵy QazUÝ fılıaly ashyldy. Bul da eleýli oqıǵa. Jalpy, bilim salasyna erekshe mán beremin. Óıtkeni jastarymyzǵa jaǵdaı jasaý kerek dep sanaımyn. Bizdiń maqsatymyz – jastarǵa Qazaqstan men Reseıdiń jańa tarıhı jáne geosaıası kezeńdegi yntymaqtastyǵy men dostyq baılanystaryn amanattaý. Óskeleń urpaq mundaı qarym-qatynassyz osynaý almaǵaıyp zamanda ómir súrý múmkin emes ekenin túsinýge tıis. Qazaqstan Prezıdentiniń Reseı Federatsııasyna memlekettik sapary bul mindetti belgili bir deńgeıde oryndap otyr. Osy baǵyttaǵy jumys jalǵasyn tabady dep oılaımyn. Sol sebepti Sizdi Qazaqstanǵa memlekettik saparmen kelýge shaqyramyn, - dedi Qasym-Jomart Toqaev.

Aıta keteıik, Memleket basshysy Qasym-Jomart Toqaev Reseı Prezıdenti Vladımır Pýtınniń shaqyrýymen Máskeýge memlekettik saparmen bardy.

Memlekettik shekaradan ótken sátten Máskeý áýejaıyna qonǵanǵa deıin Reseıdiń áýe keńistiginde Qazaqstan Prezıdentiniń bortymen birge RF Qorǵanys mınıstrliginiń Sý-35 ushaqtary qaptaldasyp ushty.

Sapar barysynda Qazaqstan men Reseı prezıdentteri beıresmı kezdesý ótkizdi.

Qasym-Jomart Toqaev pen Vladımır Pýtınniń beıresmı pikiralmasýy keshki as ústinde jalǵasty.

Prezıdent «Belgisiz jaýynger beıiti» eskertkish memorıalyna gúl shoǵyn qoıyp, Reseı Federaldy Jınalysy Federatsııa keńesiniń tóraǵasymen kezdesti.

Sondaı-aq Kremlde Qasym-Jomart Toqaevty resmı qarsy alý rásimi ótkeni týraly jazdyq.