Qazaqstan men Reseı «Tank bıatlony» jarysynda kósh bastap keledi (FOTO)
Qazir komandalar teńbe-teń kele jatyr, dep habarlaıdy QR Qorǵanys mınıstrliginiń baspasóz qyzmeti.
Olardy birneshe upaı ǵana bólip tur. Birinshi kezeńde tankishilerimiz birinshi orynda bolǵanyn esterińizge salaıyq, bizdiń komandamen birge ekinshi orynǵa Reseı taban tiredi. «Birinshi ekıpajdar kezeńiniń qorytyndysy boıynsha Qazaqstan birinshi oryn aldy, ekinshi oryn Reseı quramasyna buıyrdy, al úshinshi orynǵa Armenııa taban tiredi. Ár kezeńde ne bolatyny belgisiz, nátıjeler, kóshbasshylar men aýtsaıderler ózgerýi múmkin. Ekıpajdar arasyndaǵy kúres qyza túsýde, osy armııa oıyndarynda úzdik degen ataqqa kúresý úshin barlyǵy kúsh-jigerlerin salýda», - deıdi halyqaralyq armııa oıyndarynyń bas tóreshisi general-maıor Dmıtrıı Gorbatenko. Buǵan qaramastan sheberliktiń joǵary deńgeıin kórsete otyryp, komandamyz alǵa qaraı ilgerilep keledi. Jarystyń úshinshi ornynda Armenııa, tórtinshi jáne besinshi bolyp Úndistan jáne Qytaı, ári qaraı Serbııa, Qyrǵyzstan, Kýveıt, Mońǵolııa, Tájikstan, Venesýela, Angola jáne Nıkaragýa. 13 qatysýshy komandanyń árqaısysy eki jeke kezeńnen ótti. Búgin jáne erteń úshinshi kezeń ótedi. 6 tamyzda «Tank bıatlony» jartylaı fınaly men fınalda baq synaýdy jalǵastyratyn jeke jarystardyń kóshbasshylary jáne segiz úzdik komandanyń aty atalatyn bolady.