Qazaqstan men Reseı SІM basshylary Sholpan-Atada kezdesý ótkizdi
ASTANA. KAZINFORM — Taraptar qazaq-reseı yntymaqtastyǵynyń qazirgi jaǵdaıy men damý perspektıvalaryn talqylady, dep habarlaıdy SІM baspasóz qyzmeti.
QR Premer-mınıstriniń orynbasary — Syrtqy ister mınıstri Murat Nurtileý Reseı Syrtqy ister mınıstri Sergeı Lavrovpen Sholpan-Ata qalasynda Ujymdyq qaýipsizdik týraly shart uıymynyń Syrtqy ister mınıstrleri keńesiniń otyrysy qarsańynda kezdesý ótkizdi.
Taraptar saıası jáne ekonomıkalyq salalardaǵy, tranzıttik-kóliktik jáne energetıkalyq baǵyttaǵy qazaq-reseı yntymaqtastyǵynyń qazirgi jaǵdaıy men damý perspektıvalaryn, sondaı-aq halyqaralyq uıymdar men óńirlik ıntegratsııalyq birlestikter sheńberindegi eki eldiń ózara is-qımylyn talqylady.
Suhbattastar sondaı-aq óńirlik jáne halyqaralyq kún tártibindegi ózekti máseleler boıynsha pikir almasyp, bıik jáne joǵary deńgeıdegi ekijaqty is-sharalar kestesin qarastyrdy.
Budan buryn QR Premer-mınıstriniń orynbasary – Syrtqy ister mınıstri Murat Nurtileý Mońǵolııa prezıdenti Ýhnaagıın Hýrelsýhtyń qabyldaýynda boldy.