Qazaqstan men Reseı SІM basshylary Astanadaǵy Sırııa jaıly kezdesýge daıyndyqty talqylady
ASTANA. QazAqparat - Reseı SІM basshysy Sergeı Lavrov pen Qazaqstan syrtqy ister mınıstri Qaırat Ábdirahmanov Astanadaǵy sırııalyq retteý jónindegi halyqaralyq kezdesý ótkizý jáne oǵan daıyndyq máselelerin talqylady, dep habarlady dúısenbi kúni Reseı SІM.
Áńgime reseılik taraptyń bastamasymen ótti, dep habarlaıdy RIA Novostı.
«Áńgimelesý barysynda ishki saıası mekeme basshylary Astanadaǵy sırııalyq retteý jónindegi halyqaralyq kezdesýge daıyndyq, ekijaqty kún tártibi, aldaǵy baılanystar jáne halyqaralyq arenadaǵy sharalardy úılestirý máselelerin talqylady», - delingen SІM saıtyna jarııalanǵan túsindirmede.
Buǵan deıin Reseı men Túrkııa basshylary Sırııadaǵy shıelenis taraptaryna Qazaqstan astanasyndaǵy jańa alańda kelissózder júrgizýdi jalǵastyrý usynysy týraly kelisimge keldi. Reseı prezıdenti V.Pýtınniń aıtýynsha, bul kezdesý Jeneva kelissózderin tolyqtyrýy múmkin. Kezdesý 23 qańtar kúni Astanada ótedi. Al 8 aqpanda Jenevada kelissózderdiń kelesi kezeńi ótedi.
