Qazaqstan men Reseı shekarasynda turǵyndar ótetin 6 oryn jabylyp, 7-ýi qaıta ashylady
ASTANA. 27 maýsym. QazAqparat - Búgin Parlament Senatynyń jalpy otyrysynda palata depýtattary
«2006 jylǵy 3 qazandaǵy Qazaqstan Respýblıkasynyń Úkimeti men Reseı Federatsııasynyń Úkimeti arasyndaǵy Qazaqstan Respýblıkasynyń jáne Reseı Federatsııasynyń shekara mańyndaǵy aýmaqtary turǵyndarynyń Qazaqstan-Reseı memlekettik shekarasyn kesip ótý tártibi týraly kelisimge ózgerister men tolyqtyrýlar engizý týraly hattamany ratıfıkatsııalaý týraly» zańdy qabyldady.
Hattamanyń maqsaty Qazaqstan men Reseıdiń shekara mańy óńirlerinde turatyn turǵyndardyń memlekettik shekarany kesip ótýi úshin qolaıly jaǵdaılar jasaý bolyp tabylady.
Atalǵan kelisimniń nátıjesinde qıylysatyn oryndar jańa pýnkttermen tolyǵady. Atap aıtqanda Qazaqstan tarapynan - Qostanaı oblysynyń Meńdiqara aýdanyndaǵy Qostanaı, Jambyl aýdanyndaǵy Aıymjan jáne Soltústik Qazaqstan oblysynyń Ýálıhanov aýdanynda Úlken Qaraoı, Pavlodar oblysynyń Ertis aýdanynda Ertis, Aqtóbe oblysynyń Áıteke bı aýdanynda Áıteke bı jáne Qobda aýdanynda Jırenqopa, Batys Qazaqstan oblysynyń Kaztalov aýdanynda Kaztalov pýnktteri.
Sonymen qatar, osy tizilimderden Qazaqstan tarapynan - Shyǵys Qazaqstan oblysynyń Shemonaıha aýdanyndaǵy Qyzyl Shemonaıha, Borodýlıhın aýdanyndaǵy Býrkotovo men Korostelı, Pavlodar oblysynyń Galıtskoe-Ýspenskıı aýdanyndaǵy Ekaterınoslavka, Soltústik Qazaqstan oblysyndaǵy M.Jumabaev aýdanyndaǵy Sývorovka pýnktteri jabylady.
ıAǵnı, Qazaqstan-Reseı shekarasynan jańadan 7 ótkizý oryny ashylyp, qajettiligi joq dep sanalatyn burynǵy altaýy jabylady.
