Qazaqstan men Reseı shekarasyndaǵy ótkizý beketterinde kólikter jınalyp qaldy

ASTANA. KAZINFORM – Memleket basshysynyń tapsyrmasy aıasynda QR Kólik mınıstrligi men Shekara qyzmetiniń ókilderi Reseı Federatsııasyna shyǵýdy qamtamasyz etetin kólik ótkizý beketterin baryp kórdi.

QR Kólik mınıstrliginiń málimetinshe, arnaıy tekseris barysynda ótkizý beketteriniń ınfraqurylymy tekserildi. Atap aıtqanda, avtokólik qozǵalysy aımaqtaryna, tekserý alańdaryna, azamattar men qyzmetkerlerge arnalǵan ǵımarattar men qurylystarǵa tolyqtaı sholý jasaldy.

-Tekserý jumystarynyń qorytyndysy boıynsha birqatar bekette Reseı Federatsııasyna qaraı baratyn orta jolda kólik quraldarynyń, ásirese júk kólikteriniń jınalyp qalǵany baıqaldy. Óz kezeginde ol shekarada kezek qalyptasyp, Qazaqstan jaǵynyń da ótkizý múmkindigin tómendetip, qosymsha shyǵynǵa ushyratatyny belgili,-delingen habarlamada.

Sonymen qatar jaǵdaıdyń bulaısha qalyptasýyna Reseı Federatsııasy tarapynan da baqylaý sharalarynyń kúsheıtilgeni yqpal etip otyrǵany belgili boldy.

- Naqtyraq aıtqanda júkterdi tekserý protsedýralary kúsheıtilip, kólik quraldaryn tekserý merzimi uzartyldy. Sondaı-aq qujattardy jáne sanıtarııalyq jáne fıtosanıtarııalyq talaptardy oryndaý boıynsha qosymsha sharalar qolǵa alynǵan, - dep túsindirdi QR Kólik mınıstrliginiń baspasóz qyzmeti.

Osyǵan deıin Reseımen shekaradaǵy pavlodarlyq ótkizý beketterin jańartý jumystary bastalǵany týraly jazdyq,