Qazaqstan men Reseı shekarasyndaǵy beıtarap aımaqtaǵy tasqyn sýǵa tosqaýyl qoıyldy - QazAvtoJol
ASTANA.KAZINFORM - 2026 jylǵy 26 naýryz, keshki saǵat 20:00 shamasynda Qostanaı oblysyndaǵy Jelqýar ózeninde, Qazaqstan Respýblıkasy men Reseı Federatsııasy arasyndaǵy beıtarap aımaqta uzyndyǵy 70 metr, bıiktigi 5-10 sm bolatyn erigen qar sýynyń tasýy tirkeldi.
Atalǵan jaǵdaıǵa baılanysty «QazAvtoJol» UK» AQ oblystyq fılıalynyń mamandary sý aǵynyn retteý jáne on toqtatý boıynsha jedel sharalar qabyldady.
Júrgizilgen jumystardyń nátıjesinde saǵat 22:00-ge deıin sý tolyǵymen toqtatyldy. Qazirgi ýaqytta jol qozǵalysy qaýipsizdigin qamtamasyz etý maqsatynda beıtarap aımaqtaǵy ýchaskede táýlik boıy kezekshilik uıymdastyryldy, sıgnaldyq baǵanalar men eskertý belgileri ornatyldy. Gıdravlıkalyq júktemeni azaıtý jáne qaıta tasýdyń aldyn alý úshin qosymsha qapshyqtar ornatý jumystary júrgizildi.
Sý deńgeıi qaıta kóterilgen jaǵdaıda, KZ10-05 «Marınovkaǵa kireberis» avtojolynyń 9-shaqyrymynda, sondaı-aq Reseı Federatsııasy baǵytyndaǵy jolda kólik qozǵalysyn ýaqytsha shekteý engizilýi múmkin.
- Aıta ketý kerek, atalǵan sý tasý qubylysy jyl saıyn qaıtalanyp otyrady. Erigen qar sýlary tolyq ótkennen keıin «QazAvtoJol» UK» AQ tarapynan qalpyna keltirý jumystary júrgizilip, kólik qozǵalysy tolyq qamtamasyz etiledi, - delingen QazAvtoJol mekemesi taratqan habarlamada.
Osyǵan deıin «QazAvtoJol» mekemesiniń jol jıekterine belgiler ornatyp jatqany týraly jazdyq.
