«Qazaqstan - Reseı shekarasynda qaqtyǵys týyndady»: QR ІІM vıdeoǵa túsinik berdi
QR Іshki ister mınıstrligi Qazaqstan men Reseı shekarashylary arasyndaǵy qaqtyǵys týraly aqparatqa túsinik berdi. QazAqparat bul týraly Stopfake.kz-ke silteme jasap habarlaıdy.
Áleýmettik jelilerde Qazaqstan men Reseı shekarashylary arasynda týyndaǵan qaqtyǵys saldary dep sıpattalǵan vıdeo tarap jatyr.
Vıdeoda áskerı kıimdegi adamdar jáne áskerı tehnıka kórsetilgen. Al kadr syrtyndaǵy daýystyń aıtýynsha, qaqtyǵys Qostanaı oblysynda oryn alǵan. Qazir onda áskerı tehnıka tartylyp jatyr-mys.
QR ІІM málimetinshe, munyń bári – jalǵan.
«QR Іshki ister mınıstrligi Qostanaı oblysyndaǵy shekarada arandatý bolǵany týraly áleýmettik jelilerde taralǵan aqparat shyndyqqa janaspaıtynyn jáne jalǵan ekendigin habarlaıdy.
Vıdeoda bıylǵy 8 qyrkúıekte Qostanaı qalasy aýmaǵynda ótken josparly dalalyq jattyǵýǵa bara jatqan QR ІІM Ulttyq ulan avtokóliginiń kolonnasy kórsetilgen. Kórineý jalǵan aqparat taratqany úshin qylmystyq jaýapkershilik qarastyrylǵanyn eske salamyz, – dep habarlady vedomstvonyń baspasóz qyzmetinen.
