Qazaqstan men Reseı shekarasy mańynda shegirtkege qarsy kúres jumystary júrip jatyr
ASTANA. KAZINFORM – Qazaqstanda shegirtke zııankesterine qarsy júrgiziletin qorǵanys is-sharalarynyń tıimdiligin tómendetýge jol bermeý jáne turaqty fıtosanıtarlyq jaǵdaıdy saqtaý úshin QR AShM Reseı Federatsııasyna shekara mańyndaǵy aýmaqtarda shegirtkelerdiń taralýyn baqylaýdy kúsheıtýdi surap hat joldady.
Jaǵdaı vıtse-premer Serik Jumanǵarınniń jiti baqylaýynda. Reseı Federatsııasynyń Orynbor oblysynyń gýbernatory Denıs Paslermen jáne eki eldiń salalyq vedomstvolarymen birlesip qarsy is-qımyl sharalary pysyqtalyp jatyr.
QR Aýyl sharýashylyǵy mınıstri Aıdarbek Saparov, RF Úkimetiniń orynbasary Dmıtrıı Patrýshev jáne RF Aýyl sharýashylyǵy mınıstri Oksana Lýt arasyndaǵy shekara mańy aýmaqtarynda shegirtkeniń taralý qaýpi týraly kelissózder nátıjesinde Reseı tarapynan sharalardy kúsheıtý týraly ýaǵdalastyqqa qol jetkizildi.
Reseı Federatsııasynyń shekaralas aýmaqtarynan shegirtkelerdiń ushyp kelý qaýpi joǵary aımaq: Aqtóbe oblysynyń Áıteke bı aýdany, sondaı-aq úıirli shegirtkeniń kóshi-qon joldary Qostanaı oblysynyń Jitiqara jáne Denısov aýdandarynan ótedi.
18 maýsymda Aqtóbe oblysynda Orynbor oblysy jaǵanan shegirtke zııankesteriniń ushyp kelýi tirkeldi. Osyǵan baılanysty Áıteke bı aýdanynda qorǵanys sharalary kúsheıtildi. Hımııalyq óńdeýge josparlanǵan 307 myń gektar aýmaqtyń 62 myń gektarynda jumys aıaqtaldy. Qajet bolǵan jaǵdaıda qosymsha tehnıkany jiberýge daıyndyq jasaldy.
Óńirge is-qımyldy úılestirý úshin Aýyl sharýashylyǵy vıtse-mınıstri Ermek Kenjehanuly jiberildi. Áıteke bı aýdanynda Orynbor oblysynyń vıtse-gýbernatorynyń qatysýymen shegirtke zııankesterine qarsy birlesken sharalar máseleleri boıynsha jedel keńes ótedi.
Qazirgi ýaqytta QR aýyl sharýashylyǵy mınıstri Aıdarbek Saparov Ulytaý oblysynda jumys saparymen júr, sodan keıin jumys barysyn baqylaý úshin Aqtóbe oblysyna barady.
Jalpy Qazaqstanda 19 maýsymdaǵy jaǵdaı boıynsha óńdeý jumystary josparǵa saı júrgizilip jatyr. Hımııalyq óńdeý 1,5 mln ga alańda júrgizildi, onyń ishinde Qostanaı oblysynda – 240 myń ga, Aqtóbe oblysynda – 469,8 myń ga.
Basqa shekaralas aımaqtarda da qorǵanys sharalary jalǵasyp jatyr. Atap aıtqanda, Batys Qazaqstan oblysynda 93 myń ga, Atyraý oblysynda 70 myń ga, Abaı oblysynda 33 myń ga jáne t. b. óńdeldi.
Aýmaqtardy monıtorıngtik tekserý sharalary jalǵasyp jatyr.
