Qazaqstan men Reseı – senimdi strategııalyq seriktester ári odaqtastar – Toqaev

MÁSKEÝ. KAZINFORM – Memleketter basshylary Oral qalasynda ótip jatqan XXI Qazaqstan – Reseı óńiraralyq forýmynyń plenarlyq sessııasynda sóılegen sózinde Qazaqstan men Reseı – ózara senimdi, ýaqyt tezinen ótken strategııalyq seriktester ári odaqtastar ekenin aıtty. Bul týraly Aqordanyń baspasóz qyzmeti jazdy. 

– Bizdiń elderimizdiń tarıhı tamyry, ótkeni men qundylyqtary ortaq. Qos halyqtyń dostyǵy – taǵdyrdyń jazýy.

Barlyq deńgeıde senimdi dıalog júrgizýdiń arqasynda Qazaqstan-Reseı yntymaqtastyǵynyń mán-mazmuny udaıy tolyǵyp keledi. Eki elge ortaq álemdegi eń uzyn qurlyq arqyly ótetin shekara – halyqtarymyzdyń máńgilik dostyǵy men tatý kórshilik qarym-qatynasynyń aıǵaǵy.

Oraıly sátti paıdalanyp, forým qyzmetine jáne barlyq salada ózara yntymaqtastyǵymyzdy nyǵaıtýǵa árdaıym nazar aýdaryp, qoldaý kórsetkeni úshin Reseı Prezıdentine alǵys aıtamyn. Birge kúsh-jiger jumyldyrý arqyly alǵa qoıǵan maqsattarymyzǵa jetetinimizge senimdimin, - dedi Memleket basshysy. 

Eske sala keteıik, buǵan deıin Qasym-Jomart Toqaev Qazaqstan men Reseı saýda jáne ınvestıtsııa kólemin ulǵaıta berýge tıis ekenin aıtqan edi.