Qasym-Jomart Toqaev pen Vladımır Pýtın gala-kontsertti tamashalady
ASTANA. KAZINFORM — Memleket basshysy Qasym-Jomart Toqaev pen Prezıdent Vladımır Pýtın Qazaqstan ónerpazdarynyń gala-kontsertine bardy. Bul týraly Aqordanyń baspasóz qyzmeti habarlady.
Qazaqstannyń Reseıdegi mádenıet kúnderi aıasynda uıymdastyrylǵan merekelik kesh Úlken teatrda ótti. Sahnada qazaqtyń mýzykalyq jáne horeografııalyq ónerin nasıhattap júrgen tanymal ártister men shyǵarmashylyq ujymdar óner kórsetti.
Bul kontsert Qazaqstannyń baı mádenı murasyn tanytyp, eki eldiń rýhanı dıalogyn nyǵaıtýǵa yqpal etti.
Іs-sharadan soń memleketter basshylary kontsertte óner kórsetken Roza Rymbaeva, Marııa Mýdrıak, Renat Ǵaısın, Álisher Kárimov, Aleksandr Belıakov jáne Zarına Altynbaeva sekildi sahna sheberlerimen áńgimelesip, alǵys aıtty.
Aıta keteıik, Reseı prezıdentiniń baspasóz hatshysy Dmıtrıı Peskov Qazaqstan Prezıdenti Qasym-Jomart Toqaevtyń Reseıge memlekettik sapary mazmundy ótkenin málimdedi.
