Qazaqstan men Reseı ónerkásiptik kooperatsııa aıasynda 175 jobany júzege asyryp jatyr
ASTANA. KAZINFORM – Qazaqstan Respýblıkasy Ónerkásip jáne qurylys mınıstri Ersaıyn Naǵaspaev Máskeýge jumys sapary aıasynda Reseı Federatsııasynyń Ónerkásip jáne saýda mınıstri Anton Alıhanovpen kezdesti.
Kelissózder barysynda taraptar Qazaqstan men Reseı arasyndaǵy saýda-ekonomıkalyq yntymaqtastyqtyń perspektıvalyq baǵyttaryn, onyń ishinde kooperatsııalyq baılanystardy damytý men ónerkásip salasyndaǵy ózara is-qımyldy tereńdetý máselelerin talqylady.
Qos tarap ásirese avtomobıl óndirisi, temirjol mashına jasaý, metallýrgııa, hımııa ónerkásibi jáne qurylys materıaldary óndirisi sııaqty salalardaǵy ónerkásiptik kooperatsııanyń basty jobalaryn iske asyrýmáselesine erekshe toqtaldy.
Búgingi tańda Qazaqstan men Reseı arasyndaǵy ónerkásiptik kooperatsııa sheńberinde quny 56,6 mlrd AQSh dollary bolatyn 175 joba júzege asyp jatyr. Bul 64 myńnan astam jańa jumys orny degen sóz.
Taraptar ónerkásiptik áriptestikti nyǵaıtý, óndiristik tizbekterdi damytý jáne eki el bıznesi úshin jańa múmkindikterdi ashý baǵytyndaǵy belsendi jumysty jalǵastyrýǵa daıyn ekendikterin bildirdi.