Qazaqstan men Reseı ónerkásip salasyndaǵy yntymaqtastyqty keńeıtýdi talqylady
ASTANA. KAZINFORM – Qazaqstan Respýblıkasy Premer-mınıstriniń birinshi orynbasary Roman Sklıar Qazaqstanǵa jumys saparymen kelgen Reseı Federatsııasy Úkimeti tóraǵasynyń birinshi orynbasary Denıs Mantýrovpen kezdesti. Bul týraly Úkimettiń baspasóz qyzmeti habarlady.
Kelissózder barysynda taraptar ekijaqty saýda-ekonomıkalyq yntymaqtastyq máseleleriniń keń aýqymyn talqylady. Ónerkásiptik kooperatsııany damytýǵa jáne avtomobıl, temirjol, mashına jasaý men metallýrgııa sııaqty negizgi salalarda birlesken jobalardy júzege asyrýǵa erekshe nazar aýdaryldy.
Roman Sklıar Qazaqstannyń ónerkásiptik kooperatsııaǵa, kásiporyndardyń tehnologııalyq deńgeıin arttyrýǵa jáne eki eldiń bıznesi úshin jańa múmkindikter jasaýǵa baǵyttalǵan Reseı Federatsııasymen ózara tıimdi yntymaqtastyqty odan ári keńeıtýge múddeli ekenin atap ótti.
Taraptar áriptestik baılanystardy damytý jáne ónerkásip salasynda birlesken bastamalardy júzege asyrý boıynsha belsendi jumysty jalǵastyrýǵa daıyn ekendikterin bildirdi.
Aıta ketelik Prezıdent Reseı Federatsııasy Úkimeti tóraǵasynyń birinshi orynbasaryn qabyldaǵan edi.