Qazaqstan men Reseı mamandary joldaǵy tártipti nyǵaıtý úshin birlesken jattyǵý ótkizdi
ASTANA. QazAqparat - 6-7 qyrkúıek kúnderi jalpyǵa ortaq paıdalanylatyn aımaqtyq mańyzy bar «Astrahan - Krasnyı ıAr - Qazaqstan Respýblıkasy shekarasy» avtomobıl jolynyń 49+451 km ýchaskesinde Qazaqstan-Reseı oqý-jattyǵý sharalary uıymdastaryldy, dep habarlaıdy QazAqparat Investıtsııalar jáne damý mınıstrligine silteme jasap.
Sharanyń maqsaty avtomobıl joldarynda tótenshe jaǵdaılar kezinde kóliktiń qaýipsiz jáne kedergisiz qozǵalysyn qamtamasyz etý.
Atalǵan sharaǵa Qazaqstan tarapynan Qazaqstan Respýblıkasy Investıtsııalar jáne damý mınıstrligi Avtomobıl joldary komıtetiniń tóraǵasy Mereke Pishembaev, Atyraý oblysy ákiminiń orynbasary Súıinshálıev Jasulan Asqaruly, Soltústik Qazaqstan oblysy ákiminiń orynbasary Fedıaev Anton Vladımırovıch, «QazAvtoJol» UK» AQ oblystyq fılıaldarynyń, «Qazaqavtojol» JShS, «Obljolzerthanasy» RMM, «QazJolǴZI» AQ, sondaı-aq Qazaqstan Respýblıkasy ІІM aımaqtyq bólimsheleriniń ókilderi jáne taǵy basqalar qatysty.
Reseı tarapynan Reseı Federatsııasy Kólik mınıstrligi «Rosavtodor» Federaldy jol agenttiginiń basshysy Starovoıt Roman Vladımırovıch, sonymen qatar, Astrahan oblysynyń gýbernatory Jılkın Aleksandr Aleksandrovıch, FMM jol basqarmasy Reseı Federatsııasynyń 34 aımaq ókilderi, sonymen birge Reseı TJM jáne ІІM aımaqtyq bólimsheleriniń ókilderi qatysty.
Jattyǵýda Astrahan oblysy Krasnoıarsk aýdany Kondakovsk ózeni kópiriniń opyrylyp qulap, tótenshe jaǵdaı áserinen aýyr júk jáne jolaýshylar tasymaldaıtyn avtokólik quraldarynyń, jeńil avtokólikterdiń turyp qalý jaǵdaılaryn joıý men eskertý jóninde keshendi is-sharalar ótkizildi.
Іs-shara teorııalyq jáne tájirıbelik bolyp eki bólimnen turady. Birinshi kúni, 6 qyrkúıekte Astrahan oblystyq ákimshilik ǵımaratynda eki el jol qyzmetiniń shekaralas avtomobıl joldarynda tótenshe jaǵdaılar týyndaǵan kezde ózara is-qımyly máseleleri talqylandy. Sondaı-aq, avtojoldardy salý, rekonstrýktsııalaý jáne jóndeýden ótkizgende qoldanylatyn jańa tehnologııalar men kútip ustaý erekshelikteri de talqyǵa tústi.
Oqý-jattyǵýdyń tájirıbelik bólimi 7 qyrkúıek kúni joǵaryda atalǵan avtomobıl joly ýchaskesinde ótedi. Oqý-jattyǵý barysynda avtojol qyzmetiniń, TJM qyzmetiniń, ІІM, alǵashqy medıtsınalyq kómek kórsetetin qyzmet pen basqa da qajetti qyzmetterdiń qaýipsizdikti qamtamasyz etý sharalary kórsetiletin bolady.
