Qazaqstan men Reseı mamandary bıologııalyq qaýipsizdik boıynsha yntymaqtastyqty talqylady
NUR-SULTAN. QazAqparat - Almatyda Bıologııalyq qaýipsizdik máseleleri boıynsha kezekti qazaqstandyq-reseılik vedomstvoaralyq konsýltatsııalar ótti, dep habarlaıdy QazAqparat QR Syrtqy ister mınıstrliginiń baspasóz qyzmetine silteme jasap.
Іs-shara aıasynda taraptar eýrazııalyq keńistiktegi bıologııalyq qaýipsizdikti qamtamasyz etý salasyndaǵy isterdiń jaǵdaıy týraly mazmundy pikir almasty. Talqylaý barysynda juqpaly aýrýlardyń aldyn alý jáne bıologııalyq qaýipterge birlesip qarsy turý boıynsha yntymaqtastyq máseleleri talqylandy.
Taraptar memleketter arasyndaǵy qatynastardyń artyqshylyǵyn, odaqtastyq sıpatyna tolyq sáıkes keletin bıologııalyq qaýipsizdik máseleleri boıynsha syndarly dıalogqa degen kózqaras týraly aıtty.
Delegatsııalar atalǵan máseleler boıynsha shart-quqyqtyq bazany keńeıtýge múddeliligin rastap, bıologııalyq qaýipsizdik salasyndaǵy yntymaqtastyq týraly eki jaqty memorandým jobasyn kelisýde aıtarlyqtaı progress bar ekenin atap ótti.
Reseılik mamandar Qazaqstan Respýblıkasy Densaýlyq saqtaý mınıstrliginiń «Masǵut Aıqymbaev
atyndaǵy asa qaýipti ınfektsııalar ulttyq ǵylymı ortalyǵynyń» nysandyryn, onyń ishinde Ortalyq referenttik zerthanany da kezekti ret qaıta aralady.
Konsýltatsııalardyń kezekti raýndynyń qorytyndysy boıynsha taraptar jalpy kún tártibiniń barlyq tarmaqtary boıynsha ózara is-qımyldy jalǵastyrýǵa kelisti.
