Qazaqstan men Reseı qýyrshaq jasaýshylary naýqas balalarǵa oıynshyq taratpaq

  ALMATY. QazAqparat - Almatyda «Rojdestvo perishte saltanat quratyn ýaqyt» kórmesi ashyldy. Ekspozıtsııaǵa 30 jumys qoıyldy. Olardyń 5-i tómengi Novgorod mamandarynyń, qalǵan 25-i qazaqstandyq sheberlerdiń avtorlyq jumysy.

Eń kishkentaı sheberdiń jasy 4-te.

Qýyrshaqtar álemi ortalyǵynyń dırektory Larısa Sologýbtyń aıtýynsha, kórme qaıyrymdylyq maqsatta ótkizilip otyr. Sharadan soń barlyq eksponattar qaterli isik dertine shaldyqqan balalar men úlkenderge syıǵa tartylady.

 

«Bul bizdiń qaıyrymdylyq maqsattaǵy eń alǵashqy jumysymyz. Eshqandaı talap, shekteý bolǵan joq. Eń bastysy perishteniń beınesin jasaý kerek boldy. Kelesi jyly aýktsıon uıymdastyryp, tynys aldyrý apparatyn satyp alý úshin qarjy jınaımyz», - dedi L.Sologýb.

 

Sheberlerdiń biri Ekaterına Kýrochkına 10 jyldan beri qýyrshaq jasaýmen aınalysyp keledi.

Atalǵan kórmege ol telpek kıgen qart beınesin alyp kelgen.

Aıta ketý kerek, qaıyrymdylyq sharasyn Reseıdiń Qazaqstandaǵy bas konsýldyǵy qoldady.