Peskov Qasym-Jomart Toqaevtyń Máskeýge memlekettik saparyna daıyndyq barysyn baıandady

MÁSKEÝ. KAZINFORM — Máskeý Qasym-Jomart Toqaevtyń Reseıge memlekettik saparyna daıyndyq jumystaryn aıaqtap jatyr, dep habarlaıdy TASS.

— Qazaqstan — Reseıdiń erekshe seriktesi, biz úshin óte mańyzdy el jáne memleket. Árıne, biz erteń bastalatyn Prezıdent Toqaevtyń Reseıge memlekettik saparyna daıyndyqty belsendi túrde aıaqtap jatyrmyz, — dedi Peskov.

Qasym-Jomart Toqaevtyń Reseıge memlekettik sapary 11-12 qarashada ótedi.

Kelissózder barysynda Toqaev pen Pýtın saıası, saýda-ekonomıkalyq, mádenı jáne gýmanıtarlyq salalardaǵy Reseı-Qazaqstan strategııalyq seriktestigi men odaqtastyqty odan ári damytýǵa qatysty ózekti máselelerdi, sondaı-aq aımaqtyq jáne jahandyq kún tártibindegi negizgi taqyryptardy talqylaıdy.

Sapar barysynda qol qoıýǵa arnalǵan mańyzdy ekijaqty qujattar daıyndaldy.

Budan buryn Óńirlik máseleler ınstıtýtynyń jetekshisi Dmıtrıı Jýravlev Qazaqstan men Reseı shyǵys pen batysty baılanystyratynyn aıtqan edi.